ရောင်နီ (NP News) - နိုဝင်ဘာ ၁၈

ကမ္ဘာကျော် သူဋ္ဌေးကြီး အီလွန်မက်ခ်ပိုင်ဆိုင်တဲ့ ဆိုရှယ်မီဒီယာ X (ယခင် Twitter) မှာ အဓိကကြော်ငြာရှင်အချို့က သောကြာနေ့(နိုဝင်ဘာလ ၁၈ ရက်)မှ စတင်ပြီး ၎င်းတို့ ကြော်ငြာတွေ ထည့်သွင်းခြင်းကို ရပ်ဆိုင်းလိုက်တယ်လို့ သိရပါတယ်။ ဒါဟာ White supremacists ကို လက်ခံခြင်းပြသခဲ့တဲ့ အီလွန်မက်ခ်အတွက် ဂုဏ်သိက္ခာဆိုင်ရာ ထိုးနှက်ချက်တစ်ရပ် ဖြစ်ပါတယ်။

အဆိုပါ လှုပ်ရှားမှုမှာ ထင်ရှားတဲ့ ကုန်အမှတ်တံဆိပ်တွေအပါအဝင် ကြော်ငြာရှင်တွေက ၎င်းတို့ရဲ့ ကြော်ငြာတွေကို သောကြာနေ့ (နိုဝင်ဘာလ ၁၇ ရက်)ကစပြီး X ဆိုရှယ်မီဒီယာမှာ တင်ခြင်းကို ရပ်ဆိုင်းခဲ့ပါတယ်။ ဒါဟာ အီလွန်မက်ခ်ရဲ့ဆိုရှယ်မီဒီယာကုမ္ပဏီအတွက် ကြီးမားတဲ့ ထိုးနှက်ချက်တစ်ခု ဖြစ်ခဲ့ပါတယ်။

ရပ်ဆိုင်းလိုက်တဲ့ ကြော်ငြာရှင်တွေထဲမှာ Disney၊ Paramount၊ NBCUniversal၊ Comcast၊ Lionsgate နဲ့ Warner Bros. Discovery စတဲ့ ကမ္ဘာ့အကြီးဆုံး မီဒီယာကုမ္ပဏီတွေလည်း ပါဝင်ခဲ့ပါတယ်။

ယခင် Twitter လို့ လူသိများတဲ့ X ပလပ်ဖောင်းမှ ကြော်ငြာရှင်တွေ နုတ်ထွက်ခြင်းဟာ အစွန်းရောက် ယုံကြည်မှုတွေကို ထောက်ခံအားပေးမှုအတွက် မက်ခ်ကို ဆန့်ကျင်ကန့်ကွက်မှုများကြား ထွက်ပေါ်လာခြင်းဖြစ်ပါတယ်။ ၎င်းဟာ မက်ခ်နဲ့ X ရဲ့ CEO လင်ဒါရာကာရီနိုရဲ့ လာမယ်နှစ်အစောပိုင်းမှာ အမြတ်အစွန်းပိုမိုရရှိအောင် လုပ်ဆောင်မယ်ဆိုတဲ့ ကတိစကားနဲ့ ဆန့်ကျင်ဘက်ဖြစ်နေပြီး X ရဲ့အနာဂါတ်အတွက် စိုးရိမ်စရာဖြစ်နေပါတယ်။