ရောင်နီ (NSS) - ဩဂုတ် ၂၇

          အိန္ဒိယနိုင်ငံရဲ့ ကုန်ကျစရိတ်သက်သာတဲ့ လကမ္ဘာ ခရီးနှင်မှုဟာ ကိုယ်ပိုင် အာကာသ အစီအစဉ်တွေ ဖော်ဆောင်လိုတဲ့ အခြားနိုင်ငံတွေအတွက် စံနမူနာတစ်ခုဖြစ်တယ်လို့ ၀န်ကြီးချုပ် နာရန်ဒရာမိုဒီက စနေနေ့ (သြဂုတ်လ ၂၆ ရက်)မှာ ပြောကြားခဲ့ပါတယ်။

အိန္ဒိယရဲ့ "Mooncraft" ဟာ ဗုဒ္ဓဟူးနေ့ (သြဂုတ်လ ၂၃ ရက်)က လမျက်နှာပြင်၊ လတောင်ဝင်ရိုးစွန်းပေါ် ကို အောင်အောင်မြင်မြင် ဆင်းသက်နိုင်ခဲ့ပါတယ်။ ဒါကြောင့် အိန္ဒိယဟာ လကမ္ဘာပေါ် အန္တရာယ်ကင်း ကင်း ဆင်းသက်နိုင်ခဲ့တဲ့  အမေရိကန်၊ ရုရှားနဲ့ တရုတ်နိုင်ငံပြီးရင် စတုတ္ထမြောက် နိုင်ငံဖြစ်လာခဲ့ပါတယ်။ အဆိုပါ အောင်မြင်မှုဟာ အိန္ဒိယရဲ့ ဘတ်ဂျက် အာကာသအစီအစဉ်အတွက် မှတ်တိုင်တစ်ခုဖြစ်ခဲ့ပါတယ်။

 "ကျွန်ုပ်တို့ရဲ့ မစ်ရှင်အောင်မြင်မှုဟာ အခြားနိုင်ငံတွေရဲ့ လကမ္ဘာ ခရီးစဉ်တွေအတွက် လမ်းကြောင်းသစ် တွေ ဖွင့်ပေးနိုင်မယ်"လို့  မိုဒီက ဘန်ဂလာရုရှိ Indian Space Research Organisation (ISRO) ပရဝုဏ်မှာ မစ်ရှင်ဝန်ထမ်းတွေကို ပြောကြားခဲ့ပါတယ်။ "ဒါကလရဲ့ လျှို့ဝှက်ဆန်းကြယ်မှုတွေကို ဖော်ထုတ်ပေးရုံသာမက ကမ္ဘာမြေရဲ့ စိန်ခေါ်မှုတွေကို ဖြေရှင်းရာမှာ အထောက်အကူဖြစ်စေမှာပါ" လို့ ၎င်းက ဆိုခဲ့ပါတယ်။ 

          အိန္ဒိယရဲ့ အာကာသယာဉ် Chandrayaan-3 ဟာ အမေရိကန်ဒေါ်လာ ၇၄.၆ သန်းသာ ကုန်ကျပြီး အခြားနိုင်ငံတွေက လကမ္ဘာ မစ်ရှင်တွေထက် ကုန်ကျစားရိတ်ကို များစွာချွေတာနိုင်ခဲ့ပါတယ်။  ဒါဟာ အိန္ဒိယနိုင်ငံကရှိပြီးသား နည်းပညာကို လိုက်လျောညီထွေဖြစ်အောင် ပြုလုပ်ပြီး  ကျွမ်းကျင်တဲ့ အင်ဂျင်နီယာတွေ များစွာအသုံးပြုခြင်းကြောင့် ကုန်ကျစရိတ် သက်သာခဲ့တာ ဖြစ်တယ်လို့ ကျွမ်းကျင်သူတွေက ပြောကြားခဲ့ပါတယ်။