Pika (NSS) - အောက်တိုဘာ ၁

မြောက်ကိုရီးယားနိုင်ငံသည် လာမည့်နိုဝင်ဘာလတွင်ကျင်းပမည့် အမေရိကန်သမ္မတရွေးကောက်ပွဲအပြီးတွင် ၎င်း၏(၇)ကြိမ်မြောက်စမ်းသပ်မှု ဖြစ်လာ မည့်  နျူကလီးယားစမ်းသပ်မှုကို လုပ်ဆောင်နိုင်ဖွယ်ရှိ ကြောင်း တောင်ကိုရီးယားထောက်လှမ်းရေးအေဂျင်စီမှ အရာရှိတစ်ဦး၏ ပြောကြားချက်များကို ကိုးကားပြီး Yonhap သတင်းအေဂျင်စီကရေးသားဖော်ပြခဲ့သည်။

မြောက်ကိုရီးယားနိုင်ငံသည် ၎င်း၏(၇)ကြိမ်မြောက် နျူကလီးယားစမ်းသပ်မှုကို အမေရိကန် သမ္မတရွေးကောက်ပွဲအပြီးတွင် လုပ်ဆောင်နိုင်ဖွယ် ရှိကြောင်း စက်တင်ဘာလ(၂၆)ရက်နေ့တွင် အမျိုးသားထောက်လှမ်း ရေးဝန်ဆောင်မှု(NIS)က ထုတ်ဖော်ပြောဆိုခဲ့ပြီးနောက် တောင်ကိုရီးယားလွှတ်တော် ထောက်လှမ်းရေးကော်မတီအဖွဲ့ဝင်တစ်ဦးဖြစ်သည့် Lee Seong Kweun က သတင်းထောက်များကို ယခုကဲ့သို့ အတည်ပြုပြောကြားခဲ့ခြင်းဖြစ်ကြောင်း သိရသည်။

မြောက်ကိုရီးယားသည် ဂြိုဟ်တုလွှတ်တင်ခြင်း နှင့် ဒုံးကျည်စမ်းသပ်ပစ်လွှတ်ခြင်းတို့ကဲ့သို့သော အခြားလုပ်ရပ်များနှင့်အတူ နျူကလီးယား စမ်းသပ်မှုကို လုပ်ဆောင်နိုင်ဖွယ်ရှိနေသည်ဟု  NIS က တောင်ကိုရီးယားလွှတ်တော်ထောက်လှမ်းရေး ကော်မတီကို ပြောကြားခဲ့ခြင်းဖြစ်ကြောင်းသိရသည်။ ထို့ပြင် မြောက်ကိုရီးယားတွင် ပလူတိုနီယမ်(၇၀)ကီလိုဂရမ်ခန့်နှင့် နျူကလီးယားလက်နက်များတည်ဆောက်ရန်လုံလောက်သော သန့်စင်ထားသည့်ယူ ရေနီယမ်ပမာဏအများအပြားကို ပိုင်ဆိုင်ထားသည် ဟု တောင်ကိုရီးယားလွှတ်တော်အမတ်များကို NIS ကပြောကြားခဲ့ကြောင်းလည်းသိရသည်။ ယခုလအစောပိုင်းတွင် မြောက်ကိုရီးယားအစိုးရ ခေါင်း ဆောင်ကင်ဂျုံအန်က ယူရေနီယမ်သန့်စင်သည့် စက်ရုံသို့ သွားရောက်ကြည့်ရှုစစ်ဆေးနေသည့် ဓာတ်ပုံများကို ပထမဆုံးအကြိမ်ထုတ်ပြန်ပြသခဲ့ပြီး နောက် ယခုလိုခန့်မှန်းပြောဆိုချက်များထွက်ပေါ် လာခြင်းဖြစ်သည်။ မြောက်ကိုရီးယား၏ နျူကလီးယား အစီအစဉ်များသည် ကုလသမဂ္ဂလုံခြုံရေးကောင်စီ၏ ဆုံးဖြတ်ချက်အများအပြားအရ တားမြစ်ပိတ်ပင်ခံ ထားရကြောင်းလည်းသိရသည်။

၂၀ဝ၆ ခုနှစ်တွင် ပထမဆုံးနျူကလီးယားစမ်းသပ် မှုကို လုပ်ဆောင်ခဲ့သည့် မြောက်ကိုရီးယားနိုင်ငံသည် ၎င်း၏ယူရေနီယမ်သန့်စင်သည့်စက်ရုံများနှင့်ပတ်သက်ပြီး အသေးစိတ်အချက်အလက်များကို လူသိရှင်ကြားထုတ်ပြန်ခဲ့သည်မှာ ယခုအကြိမ်က ပထမဆုံးအကြိမ်ဖြစ်ကြောင်းလည်းသိရသည်။ ထို့ပြင် မြောက်ကိုရီးယားနိုင်ငံတွင် ယူရေနီယမ် သန့်စင်ရန်အတွက် နေရာအများအပြားရှိပုံပေါ် ကြောင်း ကျွမ်းကျင်သူများက သုံးသပ်ပြောကြားထား သည်။ ယူရေနီယမ်သည် သဘာဝအတိုင်းတည်ရှိနေသော ရေဒီယိုသတ္တိြွကဒြပ်စင်ဖြစ်ပြီး အများအားဖြင့် နျူကလီးယားလက်နက်များတွင် အသုံးပြုကြောင်း လည်းသိရသည်။