ရောင်နီ(NSS) - မတ် ၂၄

         ၂၀၂၃ ခုနှစ်ကတည်းက စင်ကာပူတက္ကသိုလ်တွေမှာ ကျောင်းသားတွေ assignment ရေးသားရာမှာ လွယ်ကူ အဆင်ပြေစေဖို့ ဉာဏ်ရည်တု (AI)၊ အထူးသဖြင့် ChatGPT နဲ့ Sora  ကိရိယာတွေကို အသုံးပြုခွင့်ပေးခဲ့ပေမယ့် ပညာရေးဆိုင်ရာ မရိုးသားမှုနဲ့ ခိုးကူးမှုများ ရှိခဲ့ပါတယ်။ 

       ဒါပေမဲ့လည်း ဘွဲ့ကြိုကျောင်းသားတွေအတွက် လွတ်လွတ်လပ်လပ် တွေးခေါ်တတ်ဖို့နဲ့ သင်တန်းအကြောင်း အရာကို သေချာနားလည်စေဖို့ စည်းမျဉ်းတွေနဲ့ ကန့်သတ်ချက်တွေကို လိုက်နာဖို့ လိုအပ်တယ်လို့ တက္ကသိုလ် ကထိကများနဲ့ စီမံခန့်ခွဲသူတွေက ပြောကြားခဲ့ပါတယ်။ AI ကို ပေါင်းစပ်အသုံးပြုခြင်းဟာ သင်ကြားရေးနဲ့ သင်ယူမှု အရည်အသွေး မြှင့်တင်ဖို့နဲ့ နည်းပညာဆိုင်ရာ တိုးတက်မှုတွေကို လက်ခံဖို့ ရည်ရွယ်ထားပေမယ့် AI အသုံးပြုမယ်ဆိုရင် စည်းမျည်းစည်းကမ်းတွေကိုတော့ သေချာလိုက်နာဖို့ လိုအပ်မယ်လို့ ၎င်းတို့က ဆိုပါတယ်။ စည်းကမ်းတွေကတော့ ဥပမာ Singapore Institute of Technology (SIT) က ကျောင်းသားတွေဆိုရင် generative AI ကို သတင်းအချက်အလက်အတွက် အဓိကအရင်းအမြစ်အဖြစ် အသုံးမပြုသင့်ခြင်း စသဖြင့် သတ်မှတ်သွားမှာ ဖြစ်ပါတယ်။ စည်းကမ်းချက်တွေဟာ တက္ကသိုလ်တစ်ခုနဲ့တစ်ခုမတူ ကွဲပြားနိုင်ပါတယ်။ 

          အခြား ပုဂ္ဂလိကတက္ကသိုလ် (၅)ခုဖြစ်တဲ့ စင်ကာပူ အမျိုးသားတက္ကသိုလ်(NUS)၊ နန်ယန်း နည်းပညာ တက္က သိုလ် (NTU)၊ စင်ကာပူ စီမံခန့်ခွဲမှုတက္ကသိုလ် (SMU)၊ စင်ကာပူ လူမှုရေးသိပ္ပံ တက္ကသိုလ် (SUSS) နဲ့ စင်ကာပူ နည်းပညာ နှင့် ဒီဇိုင်းတက္ကသိုလ် (SUTD) ကလည်း အဆိုပါ AI နဲ့ပတ်သက်တဲ့ အလားတူ ကန့်သတ်ချက် စည်းမျည်းစည်းကမ်းတွေကို ချမှတ်ခဲ့တယ်လို့ သိရပါတယ်။