ကျော် (NSS) - ဒီဇင်ဘာ ၂၅

ရန်ကုန်တိုင်း၊ ဗိုလ်တထောင်မြို့နယ်ရှိ ဗိုလ်တထောင်စေတီတော်မြတ်ကြီး၏ ဗုဒ္ဓပူဇနိယပွဲတော်အား မနက်ဖြန် (ဒီဇင်ဘာလ ၂၆)ရက်မှစတင်၍ ကျင်းပသွားမည်ဖြစ်ကြောင်း ဗိုလ်တထောင်စေတီတော်ဘဏ္ဍာတော်ထိန်းဂေါပကအဖွဲ့ထံမှ သိရသည်။

မနက်ဖြန်(ဒီဇင်ဘာလ ၂၆)ရက်၊ နံနက် ၉ နာရီမှ ဒီဇင်ဘာလ ၃၀ ရက်၊ နံနက် ၉ နာရီအထိအား အသံမစဲမဟာပဋ္ဌာန်းကျမ်းတော်မြတ်ရွတ်ဖတ်ပူဇော်ခြင်းပြုလုပ်သွားမည်ဖြစ်ကြောင်း သိရသည်။

ထို့ပြင် ဒီဇင်ဘာလ ၂၇ ရက်၊ နံနက် ၅ နာရီ၌ ဗိုလ်တထောင်စေတီတော်မြတ်ကြီးအား ဆရာတော်၊ သံဃာတော်အပါး(၉၀)မှ ဗုဒ္ဓဘိသေကအနေကဇာတင်၍ ပန်း၊ ရေချမ်း၊ ဆီမီး၊ အမွှေးနံ့သာ၊ ဆွမ်း၊ သစ်သီးများ ကပ်လှူပူဇော်သွားမည်ဖြစ်ကြောင်း သိရသည်။

ထို့အတူ ဒီဇင်ဘာလ ၃၁ ရက်၊ နေ့လည် ၃ နာရီတွင်လည်း အကြိမ်(၅၀) မြောက်အဖြစ် သံဃာတော်(၁၀၈)ပါးနှင့်သီလရှင်(၃၆)ပါးတို့အား ဗိုလ်တထောင်စေတီတော်ရင်ပြင်တော်ပေါ်၌ ဆွမ်းဆန်စိမ်းများလောင်းလှူပူဇော်သွားမည်ဖြစ်ကြောင်း သိရသည်။