သန့်ဇင် (NSS) - ဇွန် ၂ဝ

မန္တလေးတိုင်းဒေသကြီး၊ တောင်သာမြို့၊ အမှတ်(၆)ရက်ကွက်ရှိ ရေဝန်းဘုန်းကြီးကျောင်းမှ ဦးဇင်းတစ်ပါးအား PDF အဖွဲ့မှ အကြမ်းဖက်သတ်ဖြတ်ခဲ့ကြောင်း မြန်မာနိုင်ငံရဲတပ်ဖွဲ့မှ သတင်းထုတ်ပြန်ထားသည်။

ပြီးခဲ့သော ဇွန်လ ၁၇ ရက်၊ နံနက် ၅ နာရီအချိန်တွင် မန္တလေးတိုင်းဒေသကြီး၊ တောင်သာမြို့နယ်၊ ထန်းပင်ကန်ကျေးရွာအဝင်၌ ဖြစ်ပွားခဲ့ကြောင်း သိရသည်။

အထက်ပါ ဘုန်းကြီးကျောင်းမှ ဥူးဇင်း ဥူးဇောတိကသည် ကျောင်းမှ (TERIOS KID)ကားဖြင့်တစ်ပါးတည်းမောင်းနှင်လာစဉ် ထန်းပင်ကန်ကျေးရွာအဝင်၌ PDF အင်အား(၆)ဦးခန့်က ဆိုင်ကယ်(၃)စီးဖြင့်ရောက်ရှိလာကာ ကားအားတားစီး၍ သေနတ်ဖြင့် ပစ်ခတ်၊ ဓားဖြင့် ထိုးခုတ်ခဲ့ကြောင်းသိရသည်။

ထိုသို့ ပစ်ခတ်၊ ထိုးခုတ်မှုကြောင့် ဥူဇင်း ဥူးဇောတိက(၅၁)နှစ် ၊ ဝါတော်(၉)ဝါတွင် ကျည်ထိမှန်၊ ပြတ်ရှဒဏ်ရာများရရှိကာ အခင်းဖြစ်ပွားရာနေရာ၌ ပျံလွန်တော်မူခဲ့ကြောင်းလည်း သိရသည်။

အထက်ပါကဲ့သို့ အကြမ်းဖက်မှု ကျူးလွန်သူများအား ဖော်ထုတ်ဖမ်းဆီးအရေးယူနိုင်ရေး လုံခြုံရေးတပ်ဖွဲ့ဝင်များက နယ်မြေတွင်း ပိတ်ဆို့ရှာဖွေခြင်းများ ဆောင်ရွက်လျက်ရှိကြောင်း မြန်မာနိုင်ငံရဲတပ်ဖွဲ့မှ ဆိုသည်။

လက်ရှိတွင် အကြမ်းဖက်မှုလုပ်ရက်များကြောင့် နိုင်ငံအတွင်း သံဃာတော်(၇၁)ပါးနှင့် သီလရှင်ဆရာကြီး (၁)ပါးတို့ ပျံလွန်တော်မူထားသည်။