Pearl (NSS) - ဇွန် ၁၈

ဧရာဝတီတိုင်း၊ မြန်အောင်မြို့နယ်ရှိ ဘုန်းကြီးကျောင်း၌ ခြင်ဆေးခွေမီးမှတဆင့် မီးလောင်မှုဖြစ်ပွားခဲ့ကြောင်း မြန်မာနိုင်ငံ မီးသတ်တပ်ဖွဲ့ထံမှ သတင်းရရှိသည်။

ဖြစ်စဉ်မှာ ယနေ့ (ဇွန်လ ၁၈ ရက်) ၊ နံနက် (၉)နာရီခွဲအချိန်ခန့်တွင် မြန်အောင်မြို့နယ်၊ အင်ပင်မြို့၊ ရှားဖြူကုန်းကျေးရွာ၊ ရှားဖြူကုန်းဘုန်းတော်ကြီးကျောင်းဝန်းအတွင်း၌ ဖြစ်ပွားခဲ့ကြောင်း သိရသည်။ 

အဆိုပါ ကျောင်းဝန်းအတွင်းရှိ လောကမာရဇိန်ကျောင်းဆောင်တွင် ခြင်ဆေးခွေထွန်းထားရာမှ အနီးရှိ စာအုပ်ပုံပေါ်သို့ကျကာ မီးလောင်မှုဖြစ်ပွားခဲ့ကြောင်း သိရသည်။ 

"ခြင်ဆေးခွေက အနီးရှိ စာအုပ်ပုံပေါ်ကိုကျပြီး မီးလောင်တာ ၊ ၂ ထပ်ကျောင်းဆောင်တစ်ဆောင် မီးလောင်ပျက်ဆီးဆုံးရှုံးပါတယ်။ လူထိခိုက်တာ မရှိပါဘူး"ဟု မြန်‌အောင်မြို့နယ် မီးသတ်စခန်း၏ တာဝန်ရှိသူတစ်ဦးက NP News ကို ပြောသည်။ 

မီးလောင်မှုအား  မြန်အောင်မြို့နယ်၊ အင်းပင်မြို့နယ်၊ ထူးကြီးနယ်၊ ကြာနီကန်အရန်မီးသတ်စခန်း၊ ပါရမီလူမှုကူညီရေးအသင်းတို့မှ မီးငြှိမ်းသတ်ယာဉ်များ၊ ရေသယ်ယာဉ်များဖြင့် သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များ သွားရောက်ငြှိမ်းသတ်ခဲ့ကြောင်း သိရသည်။ 

ထိုသို့ မီးငြှိမ်းသတ်ခဲ့ရာ မိနစ် (၄ဝ)ခန့် ကြာပြီးနောက် မီးငြိမ်းသွားခဲ့ပြီး မီးလောင်မှုကြောင့် အဆိုပါ ကျောင်းဆောင်ပျက်စီးသွားခဲ့ကြောင်း သိရသည်။