ဂျန်ဇက် (NSS) - ဧပြီ ၅ 

ကမ္ဘာကျော်လူမူကွန်ရက်တစ်ခုဖြစ်သော တယ်လီဂရမ်သည် ၎င်း၏ လူမှုကွန်ရက်အပေါ်တွင် အကြမ်းဖက်ကိစ္စရပ် များ ကျူးလွန်ရန်တောင်းဆိုသည့်ဖော်ပြချက်များကို ဖယ်ရှားသွားမည်ဖြစ်ကြောင်း တယ်လီဂရမ်ကို တည်ထောင် သူ ပါဗယ်လ်ဒါရောဗ့် က ပြောသည်။ 

တယ်လီဂရမ်အနေဖြင့် အနာဂတ်တွင် တယ်လီဂရမ်အသုံးပြုကာ အကြမ်းဖက်မှုများ လုပ်ဆောင်မည့် ရေးသားဖော်ပြချက်များကို ကန့်သတ်မည်ဖြစ်ကြောင်း၊ တယ်လီဂရမ်ကို တည်ထောင်ခဲ့သူ ရုရှားလူမျိုး ဒါရောဗ့် က အတည်ပြုသည်။ ဒူဘိုင်းအခြေစိုက် တယ်လီဂရမ်လူမူကွန်ရက်ကုမ္ပဏီက “အကြမ်းဖက်မှုနဲ့ဆက်နွယ်တဲ့ မက်ဆေ့ ပေါင်းများစွာကို ရပ်တန့်ခဲ့တယ်။ သုံးစွဲသူတွေဟာ တယ်လီဂရမ်ကိုအသုံးပြုပြီး အကြမ်းဖက်မှုတွေဖြစ်လာအောင် လှုံ့ဆော်တဲ့စာသားတွေ တင်မယ်ဆိုရင် တယ်လီဂရမ်လူမှုကွန်ရက်အသုံးပြုခွင့် အမြဲတမ်း ပိတ်ပင်ခံရမယ်’’ ဟု ပြော သည်။ 

လာမည့်သီတင်းပတ်မှစတင်ပြီး ရုရှား၊ ဘီလာရုစ်နှင့် ယူကရိန်းတို့မှ တယ်လီဂရမ်အသုံးပြုသူများကို အကြမ်းဖက်မှုများနှင့် ဆက်နွယ်သောစာသားများ လူမှုကွန်ရက်တွင်ဖော်ပြခြင်းကို စတင် ကန့်သတ်သွားမည် ဖြစ်ကြောင်း ၎င်းက ပြောသည်။ ပြီးခဲ့သော သီတင်းပတ်အတွင်း ရုရှားနိုင်ငံ မော်စကိုမြို့တွင် လူပေါင်း ၁၄ဝ ကျော် သေဆုံးစေသော အကြမ်းဖက်တိုက်ခိုက်မှုဖြစ်လာခဲ့ပြီးနောက် တယ်လီဂရမ်လူမှုကွန်သည် လုံခြုံရေးနှင့်ပတ်သက် ပြီး တင်းကြပ်လာခဲ့ခြင်းဖြစ်သည်။ တယ်လီဂရမ် လူမှုကွန်ရက်သည် ရုရှားနိုင်ငံရှိ လူငယ်များကြား လူသုံးများသော လူမှုကွန်ရက်တစ်ခုဖြစ်သလို ယူကရိန်းနိုင်ငံတွင်လည်း လူသုံးအများဆုံးလူမှုကွန်ရက်တစ်ခုဖြစ်သည်။ တယ်လီဂရမ်လူမှုကွန်ရက်ကို ၂၀၁၃ ခုနှစ်တွင် ရုရှားလူငယ်တစ်ဦးတစ်ဦးဖြစ်သလို စီးပွားရေးလုပ်ငန်းရှင်တစ်ဦး ဖြစ်သော ဒါရောဗ့်က တည်ထောင်ခဲ့ပြီး ကမ္ဘာပေါ်တွင် လူသုံးအများဆုံး လူမှုကွန်ရက်များထဲတွင် ပါဝင်နေသည်။