ဂျန်ဇက် (NSS) - မတ် ၁၁

တစ်နာရီ ၉၂ မိုင်ကျော် နှုန်းမောင်းနိုင်မယ့် ကမ္ဘာ့အမြန်ဆုံးအရုပ်ကား တီထွင်နိုင်ခဲ့တဲ့ အင်ဂျင်နီယာကျောင်းသား ဂျာမနီနိုင်ငံက လူငယ်အင်ဂျင်နီယာ ကျောင်းသားတစ်ဦးဟာ တစ်နာရီကို မိုင်ပေါင်း ၉၂မိုင်ကျော် မောင်းနှင်နိုင်စွမ်း ရှိမယ့် ကမ္ဘာအမြန်ဆုံး အရုပ်ကားကို အောင်မြင်စွာတီထွင်နိုင်ခဲ့တယ်လို့ ဆိုပါတယ်။ 

အသက် ၃၁ နှစ်အရွယ်ရှိတဲ့ မာဆယ်ပေါလ်ဟာ တစ်နာရီကို မိုင်ပေါင်း ၉၂ ဒသမ ၂၄ မိုင်မောင်းနှင်နိုင်စွမ်းရှိမယ့် ကမ္ဘာ့အမြန်ဆုံးအရုပ်ကားကို ပြင်ဆင်မွမ်းမံနိုင်ဖို့ ၁၀ လကျော်ကြာ အချိန်ယူခဲ့ရပါတယ်။  မာဆယ်ပေါလ် တီထွင် ထားတဲ့အရုပ်ကားဟာ ကမ္ဘာပေါ်ရှိ အရုပ်ကားတွေထဲမှာ အမြန်ဆုံးမောင်နှင်နိုင်စွမ်းရှိတဲ့ အရုပ်ကားဖြစ်လာခဲ့ပြီး တစ်နာရီကို ၉၂ မိုင်နှုန်း နဲ့ မောင်းနှင်နိုင်စွမ်းရှိတယ်လို့ ဆိုပါတယ်။

ကလေးစီး အရုပ်ကား(Bobby Cars) တွေကို နှစ်သက်သဘောကျတဲ့ မာဆယ်ပေါလ်ဟာ ကလေးစီး အရုပ်ကား ပြိုင်ပွဲတွေလည်း ပါဝင်ဆင်နွှဲခဲ့ပြီး ကမ္ဘာ့ချန်ပီယံဆု ၁၄ ကြိမ်၊ ဥရောပချန်ပီယံဆု ၉ ကြိမ် ဆွတ်ခူးနိုင်ခဲ့ပြီး အရုပ်ကားပြိုင်ပွဲသမိုင်းမှာ အအောင်မြင်ဆုံး ကားမောင်းသမားတစ်ဦးလည်းဖြစ်ပါတယ်။

မာဆယ်ပေါလ်ဟာ ကမ္ဘာချန်ပီယံဆုတွေ ရယူနိုင်မှုကို ရောင်ရဲမှုမရှိဘဲ ကမ္ဘာ့အမြန်ဆုံး ကလေးစီးပြိုင်ကား တီထွင် ဖို့အကြံရခဲ့ပြီး ၁၀ လကြာ အချိန်ယူ တည်ဆောက်ခဲ့ပြီးနောက်မှာ ကမ္ဘာအမြန်ဆုံးအရုပ်ကားကို အောင်မြင်စွာ တီထွင်နိုင်ခဲ့တာဖြစ်ပါတယ်။ မာဆယ်ပေါလ်ဟာ ယခင်ကလည်း အရုပ်ကားတွေကို တီထွင်ခဲ့ဖူးပြီး ၎င်းရဲ့ယခင် စံချိန်ဟောင်းကို ချိုးဖျက်နိုင်ခဲ့တယ်လို့ ဆိုပါတယ်။ 

မာဆယ်ပေါလ်ဟာ ယခင်က တစ်နာရီကို ၈၈ မိုင်မောင်းနှင်နိုင်မယ့် အရုပ်ကားကို တီထွင်ထားနိုင်သူဖြစ်ပြီး လက်ရှိ အချိန်မှာတော့ အဲဒီစံချိန်ကို ချိုးဖျက်နိုင်ခဲ့တယ်လို့ ဆိုပါတယ်။ မာဆယ်ပေါလ်ဟာ သူရဲ့ ကမ္ဘာအမြန်ဆုံး အရုပ်ကားကိုတီထွင်နိုင်ဖို့ ကလေးစီးကားအမျိုးအစားဖြစ်တဲ့ Baby Porsche 911 ကားကို ဝယ်ယူခဲ့ပြီး အလူမီနီယမ်ကိုယ်ထည်နဲ့ပြန်လည်တည်ဆောက်ခဲ့ပါတယ်။ အဲဒီကားမှာ အသုံးပြုမယ့် လျှပ်စစ်မော်တာနဲ့ ဘက်ထရီကိုတော့ ကုမ္ပဏီတစ်ခုမှာ အပ်ခဲ့တယ်လို့ ဆိုပါတယ်။ 

အဲဒီလိုမျိုး ကမ္ဘာ့အမြန်ဆုံး အရုပ်ကားကို တီထွင်နိုင်ဖို့ မာဆယ်ပေါလ်ဟာ  စိန်ခေါ်မှုတွေနဲ့ရင်ဆိုင်ခဲ့ရပြီး ဘတ်ဂျက်ငွေ လိုအပ်ချက်တွေ ရှိခဲ့ပါတယ်။ မာဆယ်ပေါလ်ဟာ ကားဖန်တီးတီထွင်ဖို့  ဒေါ်လာ ၁၀၀၀၀ ဘတ်ဂျက် လိုအပ်ခဲ့ပြီး၊ အဲဒီဘတ်ဂျက်ငွေကို ရယူနိုင်ခဲ့တဲ့အတွက် ကားကို အပြီးသတ်တည်ဆောက်နိုင်ခဲ့ပြီး ဂျာမနီနိုင်ငံမှ ဟော့ကန်ဟိုင်ရင်းကားမောင်းကွင်းမှာ ကမ္ဘာ့ဂင်းနစ်စံချိန်ကို ထပ်မံချိုးဖျက်နိုင်ခဲ့တယ်လို့ ဆိုပါတယ်။