နာမူ (NSS) - နိုဝင်ဘာ ၂ဝ

တက္ကသိုလ်များတွင် အဝေးသင်နှင့် နေ့သင်တန်း စာမေးပွဲ ဖြေသူပမာဏများခဲ့သည့်အပြင် လာမည့်နှစ်တွင် ယခုထက် ပိုတိုးလာမည်ဟု ခန့်မှန်းကြောင်း တက္ကသိုလ်ကထိက တစ်ဦးက NSS ကတစ်ဆင့် သုံးသပ်ပြောကြားသည်။ 

(၂၀၂၁)ခုနှစ်နိုင်ငံရေးဖြစ်စဉ်များအပြီးတွင် အကြမ်းဖက်အားပေးများ၏ လှုံ့ဆော်မှု နှင့် ခြိမ်းခြောက်မှုများကြောင့် လူငယ်များကျောင်းတက်ရောက်သည့်ပမာဏ နည်းသွားခဲ့သော်လည်း တစ်စထက်တစ်စ ကျောင်းတက်သူပမာဏ ပြန်လည်များပြားလာခဲ့ရာမှ ယခုနှစ်တွင် ပိုမိုတိုးလာခဲ့ခြင်း ဖြစ်သည်။

ယခင်နှစ်များက ကျောင်းတက်ရောက်ရန် စာရင်းသွင်းသော်လည်း မတက်သည့် ကျောင်းသားများရှိခဲ့ရာ ယခုနှစ်တွင်မူ စာရင်းပေးပြီး အမှန်တကယ် ကျောင်းတက်သူ ပမာဏလည်း တိုးလာခြင်းဖြစ်သည်။ "ဒီနှစ်က ကျောင်းသား တော်တော်များတယ်။ အခု အဝေးသင်ဆို တတိယအသုတ်ဖြေနေတာ။ သုံးသုတ်စလုံးဖြေတဲ့အရေအတွက်က ပြီးခဲ့တဲ့ နှစ်ထက်များတာ တွေ့ရပါတယ်"ဟု ရန်ကုန်အရှေ့ ပိုင်းတက္ကသိုလ်တွင် အဝေးသင်စာမေးပွဲဖြေဆိုခဲ့သော ကျောင်းသားတစ်ဦးက ၎င်းမြင်တွေ့ရသော အခြေအနေကို ရှင်းပြသည်။ 

ယခုကဲ့သို့ ပညာရေးဘက်သို့ ပြန်လည် ဦးတည်လာသော ကျောင်း သား၊ ကျောင်းသူများ ပြားလာခြင်းမှာ ဝမ်းသာစရာဖြစ်ကြောင်း အထက်ပါ တက္ကသိုလ်ကထိက ကဆိုသည်။ "ပညာရေးဘက်ကို ပြန်ပြီးလှည့်လာတဲ့ ကလေးတွေများတဲ့အတွက် ဝမ်းသာစရာပေါ့။ အခုလို စာရင်းပေးသွင်းတာတင် မဟုတ်ပဲလေ၊ အစတုန်းကတော့ စာရင်းပဲလာပေးမှာ တကယ်တော့ ဖြေချင်မှ ဖြေကြမှာ အဲဒီလိုမျိုးပြောဆိုတာတွေလည်း ရှိတယ်။ ဒါပေမဲ့ တကယ်တမ်းစာမေးပွဲစစ်တဲ့အခါမှာ အခုဆို လို့ရှိရင် မြင်တဲ့အတိုင်းပဲ အများကြီးပဲ၊ တခြား တက္ကသိုလ်တွေမှာရော အများကြီးလာဖြေကြတယ် ဆိုတော့  ပညာရေးဘက်ကို ပြန်လှည့်လာပြီဆိုတဲ့ ဒီဟာ လေးကတော့ ဝမ်းသာစရာပေါ့"ဟု ၎င်းက ဆိုသည်။

ယခု ကျောင်းတက်နှုန်းအတိုင်းဆိုပါက လာမည့်ပညာသင်နှစ်တွင်လည်း ကျောင်းသား၊ ကျောင်းသူ ပမာဏ ယခုထက် ပိုတိုးဖွယ်ရှိကြောင်း ၎င်းက ခန့်မှန်းပြောကြားသည်။

"ဒီနှစ်တောင် ဒီလောက်ဆိုရင်တော့ သေချာပါတယ် လာမယ့်နှစ်ကိုတော့ ဒီထက်ပိုပြီးတော့ တိုးလာဖို့ပဲရှိပါတယ် ဆရာတို့တော့ အဲဒီလိုပဲမြင် တယ်။ အရင်နှစ်တွေတုန်းကဆိုရင်တော့ စာရင်းလာ သွင်းတာတွေ၊ ကျောင်းအပ်တာတွေ နည်းတယ်လေ။ မနှစ်ကတော့ နည်းနည်းစပြီး များလာတယ်။ ဒီနှစ်မှာ တော့ ပိုပြီးတော့ များလာတယ်။ ပထမနှစ်သွင်းတာ လည်း ရှိတယ်။ ပထမနှစ်ဆိုလည်း အများကြီးပဲ ဒီနှစ်မှ အဝေးသင်ကို စတက်မယ့် ကလေးတွေလည်းများတယ်။ နောက်အခုဒီဘက် First year to fina သင်တန်းတက်မယ့် ကလေးတွေလည်း အများကြီး ပထမနှစ်တင် မဟုတ်ဘူး။ First year to final အကုန်လုံးက အများကြီး ပြန်လာဖြေကြတယ်"ဟု ၎င်းက ပြောသည်။