Pika (NSS) - နိုဝင်ဘာ ၁၉

နော်ဝေးအိမ်ရှေ့မင်းသမီး မက်တီမဲရစ်ရဲ့ အသက်(၂၇)နှစ်အရွယ်သားဖြစ်သူကို သံသယဖြစ်ဖွယ် အဓမ္မပြုကျင့်မှုအတွက် ဖမ်းဆီးထားတယ်လို့ နော်ဝေးရဲတပ်ဖွဲ့က နိုဝင်ဘာလ(၁၉)ရက်မှာ ထုတ်ပြန် ပြောဆိုထားပါတယ်။

မက်တီမဲရစ်ရဲ့သားဖြစ်သူ မာရီးယက်စ်ဘော့ဂျ်ဟွိုင်ဘေးကို နိုဝင်ဘာလ (၁၀)ရက် ညနေပိုင်းမှာ ဖမ်းဆီးခဲ့တာဖြစ်တယ်လို့ ရဲတပ်ဖွဲ့က ပြောကြားခဲ့ပါတယ်။ မာရီးယက်စ်ဘော့ဂျ်ဟွိုင်ဘေးဟာ သတိလစ်နေတဲ့လူနဲ့ လိင်ဆက်ဆံခြင်း ဒါမှမဟုတ် အဓမ္မပြုကျင့်မှုကို ခုခံနိုင်စွမ်းမရှိတဲ့ အခြားအ ကြောင်းအရာတွေအတွက် ရာဇဝတ်ကျင့်ထုံးကို ချိုးဖောက်ခဲ့တယ်လို့ သံသယရှိတယ်လို့ ထုတ်ပြန်ချက်မှာ ရေးသားဖော်ပြထားပါတယ်။ ရဲတပ်ဖွဲ့က "မာရီးယက်စ်ဘော့ဂျ်ဟွိုင်ဘေးဟာ အသိကပ်မနေတဲ့အချိန်မျိုးမှာ လိင်ဆက်ဆံမှုကို လုပ်ဆောင်ခဲ့တယ်လို့ သံသယရှိပါတယ်။ ဒီလိုအခြေအနေမျိုးကို အဓမ္မပြုကျင့်ခံရသူက ခုခံနိုင်စွမ်းမရှိခဲ့ဘူးလို့ထင်ပါတယ်"လို့ ပြောဆိုခဲ့ပါတယ်။

ဒါ့ပြင် မာရီးယက်စ်ဘော့ဂျ်ဟွိုင်ဘေးဟာ အော်စလိုမြို့မှာရှိတဲ့ အမျိုးသမီးတစ်ဦးရဲ့တိုက်ခန်းကို သွားရောက်ခဲ့ပြီး ကိုယ်ထိလက်ရောက်ကျူးလွန်မှုတွေလုပ်ဆောင်ခဲ့တယ်လို့ စွပ်စွဲခံရကာ ပြီးခဲ့တဲ့ဩဂုတ်လ(၄)ရက်မှာ ဖမ်းဆီးခံခဲ့ရတယ်လို့ သိရပါတယ်။ နော်ဝေးရဲတပ်ဖွဲ့ဟာ အဲဒီအမျိုးသမီးရဲ့ အိပ်ခန်းနံရံတစ်ခုမှာ ဓါးတစ်ချောင်းကို တွေ့ရှိခဲ့ရတယ်လို့ နော်ဝေးမီဒီယာတွေက ဖော်ပြခဲ့ပါတယ်။ ပြီးတော့ မာရီးယက်စ်ဘော့ဂျ်ဟွိုင်ဘော့ဟာ တားမြစ်မိန့်ကို ချိုးဖောက်မှုအတွက်  ပြီးခဲ့တဲ့စက်တင်ဘာလမှာ ဖမ်းဆီးခံခဲ့ရဖူးတယ်လို့ သိရပါတယ်။ ရဲတပ်ဖွဲ့ရဲ့အဆိုအရ မာရီးယက်စ်ဘော့ဂျ်ဟွိုင်ဘေးကို နိုဝင်ဘာလ(၁၁)ရက်က ဖမ်းဆီးချိန်မှာ ၄င်းဟာ ပြီးခဲ့တဲ့ဩဂုတ်လကဖြစ်ပွားခဲ့တဲ့ဖြစ်ရပ်အတွင်း အတူရှိခဲ့တဲ့ အမျိုးသမီးနဲ့အတူ ကားတစ်စီးအတွင်းမှာ ရှိနေခဲ့တာဖြစ်တယ်လို့လည်း သိရပါတယ်။