ရောင်နီ(NSS) - ဇန်နဝါရီ ၁၂ 

ကမ္ဘာတစ်ဝန်းရှိ ဆယ်ကျော်သက်များ အထူးသဖြင့် မိန်းကလေးတွေဟာ အန္တရာယ်ရှိဆေးဝါးများ၊ အစားအသောက် ဖြည့်စွက်စာများနဲ့ အခြားသော ကိုယ်အလေးချိန်ကျစေတဲ့ထုတ်ကုန်တွေကို မက်မက်မောမော သုံးစွဲနေကြတယ်လို့  အမေရိကန်ပေါင်းစုလေ့လာမှုတစ်ခုအရ သိရပါတယ်။     

လွန်ခဲ့တဲ့ဆယ်စုနှစ် လေးခုအတွင်း လေ့လာမှု ဒါဇင်ပေါင်းများစွာကို အခြေခံပြီး သုတေသီတွေရဲ့ခန့်မှန်းချက်အရ ယေဘုယျ ဆယ်ကျော်သက် လူဦးရေရဲ့ ၉ ရာခိုင်နှုန်းခန့်ဟာ ကိုယ်အလေးချိန်လျှော့ချတဲ့ထုတ်ကုန်တွေကို အသုံးပြုကြတယ်လို့ သိရပါတယ်။  

Diet pills တွေဟာ ဆယ်ကျော်သက်တွေရဲ့တစ်သက်တာမှာ ၆ ရာခိုင်နှုန်းခန့် အသုံးပြုတဲ့ အသုံးအများဆုံး ထုတ်ကုန်ဖြစ်ပြီး အဲဒီနောက်မှာတော့ ဝမ်းနုတ်ဆေးသုံးသူ ၄ ရာခိုင်နှုန်း နဲ့  ဆီးဆေးသုံးသူ ၂ ရာခိုင်နှုန်း ရှိတယ်လို့ သိရပါတယ်။ အဆိုပါထုတ်ကုန်တွေဟာ ဆေးဘက်ဆိုင်ရာအကြံပြုထားခြင်းမရှိသလို ကလေးတွေရဲ့ရုပ်ပိုင်းဆိုင် ရာနဲ့ စိတ်ပိုင်းဆိုင်ရာကျန်းမာရေးအတွက်လည်း အန္တရာယ်များပါတယ်။          

ဆယ်ကျော်သက်အရွယ်မှာ ကိုယ်အလေးချိန်ကျစေတဲ့ထုတ်ကုန်တွေကို သုံးစွဲခြင်းဟာ အစားအသောက်ပုံမမှန် ခြင်း၊ မိမိကိုယ်ကိုယ်ယုံကြည်မှုနည်းခြင်း၊ စိတ်ဓာတ်ကျခြင်း၊ အရွယ်ရောက်လာချိန်မှာ ပုံမှန်ထက် ဝခြင်းတို့ ဖြစ်နိုင်တယ်လို့ လေ့လာမှုက ဆိုထားပါတယ်။