ရောင်နီ (NSS) - ဇန်နဝါရီ ၅

အမေရိကန်နိုင်ငံ၊ နယူးဂျာစီမှာ မိခင်တစ်ယောက်က နေ့ရက်မတူ၊ နှစ်မတူတဲ့ အမြွှာရင်သွေး ၂ ဦးကို မွေးဖွားခဲ့ပါတယ်။  

၂ဝ၂၃ ခုနှစ်၊ ၃၁ ရက်  နှစ်သစ်ကူးအကြိုနေ့ နံနက် ၆ နာရီခန့်မှာ အီမာဟန်ဖရေ အမည်ရှိ ကိုယ်ဝန်သည်အမျိုးသမီးဟာ ဗိုက်နာခဲ့ပြီး သူမရဲ့သတ်မှတ်ထားတဲ့မွေးရက်ဟာ ဇန်နဝါရီ ၂၆ ရက်ဖြစ်ပေမယ့် သတ်မှတ်ရက်မရောက်ခင် Virtua Voorhees ဆေးရုံမှာ ၃၁ ရက် ည  ၁၁ နာရီ ၄၈ မိနစ်မှာ သားအကြီးကိုမွေးဖွားပြီး နောက်ထပ် ၄ဝ မိနစ်မှာ သားငယ်ကို မွေးဖွားခဲ့ပါတယ်။

သားငယ်ကို မွေးဖွားခဲ့ချိန်မှာတော့ ၂ဝ၂၄ ခုနှစ်ကို ဝင်ရောက်သွားပြီပဲဖြစ်ပါတယ်။ အမြွှာညီအစ်ကိုနှစ်ယောက်လုံး ကျန်းမာကြပြီး ဒီလိုမွေးဖွားမှုဟာ ရှားပါးတဲ့ဖြစ်စဉ်တစ်ခုလို့ ဆိုကြပါတယ်။ 

အခုလိုတမူထူးခြားတဲ့မွေးဖွားမှုအတွက် ညီအစ်ကိုနှစ်ဦးဟာ လူများစွာရဲ့ကောင်းချီးပေးမှုကို ရရှိထားပါတယ်။ ဒီမွေးဖွားမှုအတွက် ဟန်ဖရေတို့မိသားစုကလည်း အထိမ်းအမှတ်ပွဲတွေ ကျင်းပခဲ့ကြတယ်လို့ သိရပါတယ်။