ရောင်နီ (NP News) - ဇန်နဝါရီ ၆

ပြီးခဲ့တဲ့နှစ်သစ်ကူး အားလပ်ရက်အတွင်း အမေရိကန်လူမျိုးတွေဟာ ၎င်းတို့ရဲ့အွန်လိုင်းစျေးဝယ်မှုကို အရှိန်မြှင့်ခဲ့ပြီး အီလက်ထရွန်နစ်ပစ္စည်း၊ အရုပ်နဲ့ အခြားပစ္စည်းတွေ ဝယ်ယူမှုဟာ စံချိန်တင် ဒေါ်လာ ၂၂၂ ဘီလျံထိ ရှိခဲ့တယ်လို့ သိရပါတယ်။ 

နိုဝင်ဘာ ၁ ရက်မှ ဒီဇင်ဘာ ၃၁ ရက်ကြား အသုံးစရိတ်ဟာ ယခင်အားလပ်ရက် စျေးဝယ်ရာသီထက် ၄.၉ ရာခိုင်နှုန်း တိုးလာတယ်လို့ ကြာသပတေးနေ့(ဇန်နဝါရီ ၄ ရက်) ထုတ် Adobe Analytics အစီရင်ခံစာအရ သိရပါတယ် ။ 

Adobe ရဲ့အဆိုအရ စျေးဝယ်သူတွေဟာ အထူးလျှော့စျေးတွေအပြင် Buy Now၊ Pay Later ရွေးချယ်မှုတွေနဲ့ ဆွဲဆောင်ခံရပြီး အခုလို အလွန်အမင်းဝယ်ယူမှုတွေဖြစ်ပေါ်လာခြင်းဖြစ်တယ်လို့ သိရပါတယ်။ 

Cyber Monday တစ်ခုတည်းမှာပဲ ဈေးဝယ်သူတွေဟာ စံချိန်တင်အွန်လိုင်းစျေးဝယ်မှုအတွက် ဒေါ်လာ ၁၂.၄ ဘီလျံ သုံးစွဲခဲ့တယ်လို့ Adobe က ဖော်ပြခဲ့ပါတယ်။ 

အွန်လိုင်းစျေးဝယ် လျှော့စျေးတွေဟာ ၂ဝ၂၂ ခုနှစ်က ၂၅ ရာခိုင်နှုန်း မှ ယခုနှစ်မှာ ၃၁ ရာခိုင်နှုန်းထိ  စံချိန်တင်မြင့်တက်သွားခဲ့သလို ဝယ်ယူမှုတွေဟာလည်း ယမန်နှစ်ကထက် ၁၄ ရာခိုင်နှုန်းမြင့်တက်လာပြီး စံချိန်တင် ဒေါ်လာ၁၆.၆  ဘီလျံအထိ တိုးလာခဲ့တယ်လို့ သိရပါတယ်။