ရောင်နီ (NSS) - နိုဝင်ဘာ ၂၆ 

စင်္ကာပူနိုင်ငံမှာCOVID-19 ကူးစက်ခံထားရတဲ့ အသက် ၁၃ လသား ကလေးငယ်တစ်ဦး အောက်တိုဘာ ၁၂ ရက်က သေဆုံးခဲ့ပါတယ်။ ဒါဟာ ယခုနှစ်အတွင်း ကိုဗစ်ကူးစက်မှုကြောင့်နိုင်ငံရဲ့ အသက် ၁၂ နှစ်အောက် လူနာ ပထမဆုံး သေဆုံးခြင်းဖြစ်လာခဲ့ပါတယ်။ 

ကျန်းမာရေးဝန်ကြီးဌာန (MOH) က ကလေးငယ်မှာ ၂ဝ၂၃ ခုနှစ်၊ အောက်တိုဘာ ၁ဝ ရက်က COVID-19 ကူးစက်မှု စတင် စမ်းသပ်တွေ့ရှိခဲ့ပြီးအဲဒီနေ့မှာပဲ ချက်ချင်းဆေးရုံတင်ခဲ့တယ်လို့ စနေနေ့ (နိုဝင်ဘာ ၂၅ ရက်) မှာ ပြောကြားခဲ့ ပါတယ်။ ဒါပေမယ့် လူနာဟာ အောက်တိုဘာ ၁၂ ရက်က ကွယ်လွန်သွားခဲ့ပြီး သေဆုံးရခြင်းအကြောင်းရင်းမှာ ပြင်းထန်တဲ့ COVID-19 ရောဂါပိုး ကူးစက်ခံရခြင်းကြောင့်ဖြစ်တယ်လို့ တွေ့ရကြောင်း ဆိုပါတယ်။ 

ဒါဟာ ၂ဝ၂၃ ခုနှစ်အတွင်း COVID-19 ကြောင့် အသက် ၁၂ နှစ်အောင် လူနာ ပထမဆုံးသေဆုံးမှုဖြစ်တယ်လို့ MOH မှ အတည်ပြုခဲ့ပါတယ်။         

မနှစ်က စင်ကာပူမှာ COVID-19 ကြောင့် ကလေး သုံးဦး သေဆုံးခဲ့ပါတယ်။  ကလေးငယ်တွေမှာ ပြင်းထန်တဲ့ COVID-19 ဖြစ်ပွားနိုင်ခြေဟာ သက်ကြီးရွယ်အိုတွေထက် နည်းပါးပေမယ့် အထူးသဖြင့် နဂို ကျန်းမာရေးအခံရှိ သူတွေနဲ့ COVID-19 ကာကွယ်ဆေးမထိုးရသေးသူတွေမှာ ပြင်းထန်တဲ့ကူးစက်မှုရလဒ်များ ဖြစ်ပေါ်နိုင်ဆဲဖြစ်တယ်" လို့ MOH က ပြောကြားခဲ့ပြီး အသက်ခြောက်လနဲ့ အထက်ရှိသူအားလုံးကို ကာကွယ်ဆေးထိုးဖို့ ဝန်ကြီးဌာနက တိုက်တွန်းထားပါတယ်။