ရောင်နီ (NSS) -  နိုဝင်ဘာ ၂၇

အမေရိကန်ပေါ့စ်အဆိုတော်နဲ့ သရုပ်ဆောင် ဆာဘရီနာကာပန်တာ ဟာ ၎င်းရဲ့ ၂ဝ၂၂ ခုနှစ်ထုတ် အယ်လ်ဘမ် "Emails I Can't Send " မှ သီချင်းဗီဒီယို “Feather” အတွက် music ဗီဒီယိုကို ပြီးခဲ့တဲ့ နိုဝင်ဘာ ဒုတိယပတ်က Youtube မှ ထုတ်လွှင့်ခဲ့ပါတယ်။ 

သီချင်းဗီဒီယိုဟာ စစချင်း လူစိတ်ဝင်စားမှု သိပ်မရရှိသေးပေမယ့် ဗီဒီယိုတင်ပြီး ရက်ပိုင်းအကြာမှာ ဘရွတ်ကလင်း ခရစ်ယာန် ဂိုဏ်းချုပ်ဆရာတော် ရောဘက်ဘရီနန်က အဆိုပါသီချင်းဗီဒီယိုဟာ ထိပ်လန့်ခြင်း၊ လက်စားချေခြင်း၊ ဘီလူးများ၊ ဘုရားကျောင်းအပြင်ဘက်မှာ ကခုန်နေတဲ့ပြကွက်များ၊ ဘုရားကျောင်းနဲ့ သေဆုံးမှုပုံရိပ်များ ပါဝင်နေ ကြောင်း၊ ဒါဟာ ခရစ်ယာန်ဘုရားရှိခိုးကျောင်း ပိုင်ဆိုင်မှုဆိုင်ရာ မူဝါဒကို လိုက်နာခြင်း မရှိခြင်းဖြစ်ကြောင်း ကက်သလစ်သတင်းအေဂျင်စီမှ ကြေညာချက်တစ်ခုနဲ့ ထုတ်ပြန်ခဲ့ပါတယ်။ 

နောက်ပိုင်းမှာတော့ သီချင်းထုတ်လုပ်ရေးကုမ္ပဏီက ဗီဒီယိုအကြောင်းအရာတွေဟာ လွဲမှားမှုတွေ ရှိခဲ့ကြောင်း ဆိုကာ တောင်းပန်ခဲ့ပါတယ်။  

ဆာဘရီနာရဲ့သီချင်းဗီဒီယိုဟာ လက်ရှိအချိန်ထိအတွင်း ကြည့်ရှုသူ ၁၁ သန်းကျော်ထိ ရှိနေပြီဖြစ်ပါတယ်။