Pearl (NSS) - နိုဝင်ဘာ ၅

မြန်မာ-ကိုရီးယား နှုတ်ခမ်းကွဲ၊ အာခေါင်ကွဲလူနာများ ခွဲစိတ်ကုသခြင်းဆိုင်ရာ ဆေးလက်တွေ့အသိပညာဖလှယ် ရေး နားလည်မှုစာချွန်လွှာ(MOU) ရေးထိုးခဲ့ကြောင်း သိရသည်။

မြန်မာနိုင်ငံသွားဘက်ဆိုင်ရာဆေးပညာညီလာခံ (၂ဝ၂၃) ကို နိုဝင်ဘာလ (၃) ရက် နှင့် (၄)ရက်တွင် နေပြည်တော် ကျင်းပခဲ့ကြောင်း သိရသည်။

ညီလာခံ ပထမနေ့တွင် ကုသရေးဦးစီးဌာန ညွှန်ကြားရေးမှူးချုပ် ဒေါက်တာမြတ်ဝဏ္ဏစိုး နှင့် ကိုရီးယားနိုင်ငံ Korea University Medicine မှ Director Professor Kim Deok-Woo တို့သည် နှုတ်ခမ်းကွဲ၊ အာခေါင်ကွဲလူနာများ ခွဲစိတ် ကုသခြင်းဆိုင်ရာ ဆေးလက်တွေ့အသိပညာဖလှယ်ရေး နားလည်မှုစာချွန်လွှာ(MOU)ကို လက်မှတ်ရေးထိုးခဲ့ ကြောင်း သိရသည်။

ထို့ပြင် ပြည်ပပညာရှင်များက မျက်နှာ၊ မေးရိုးနှင့်ခံတွင်းခွဲစိတ်ကုသမှုနှင့် ဆန်းသစ်တီထွင်မှုများ အပါအဝင် မေးရိုး ခံတွင်းကင်ဆာ ၊ ကလေးသွားများတွင် ဖြစ်တတ်သော မာကျောမှုအဆင့်မမီခြင်း နှင့်  ခံတွင်းအတွင်းရှိ အဏုဇီဝ ပိုးမွှားများအကြောင်း ဆွေးနွေးတင်ပြခဲ့ကြောင်း သိရသည်။ 

ညီလာခံ ဒုတိယနေ့တွင် ကျန်မာရေးဝန်ကြီးဌာ နှင့် ထိုင်းနိုင်ငံ Faculty of Dentistry, Khon Kaen University မှ Dean Professor Ajira-vudh Subarnbhesajတို့အကြား ဆေးလက်တွေ့အသိပညာဖလှယ်ရေး၊ သင်ကြားရေးနှင့် သွားနှင့် ခံတွင်း ဆေးပညာ သုတေသနလုပ်ငန်းများကို ပူးပေါင်း၍ တိုးမြှင့်ဆောင်ရွက်နိုင်ရေး နားလည်မှုစာချွန်လွှာ (MOU)  သက်တမ်းတိုးလက်မှတ်ရေးထိုးခဲ့ကြောင်း သိရသည်။ 

အဆိုပါနေ့တွင် ကိုရီးယားနိုင်ငံမှ Korea University Medicine မှ ပါမောက္ခများက သွားမြစ်တုအစားထိုးကုသမှုများ ၊ ဂျပန်နိုင်ငံ Japan Heart Foundation မှ ပါမောက္ခက နှုတ်ခမ်းကွဲ၊ အာခေါင်ကွဲလူနာများ ခွဲစိတ်ကုသခြင်း အကြောင်း နှင့် မလေးရှားနိုင်ငံ International Medical University မှ သွားနှင့် ခံတွင်းခွဲစိတ်ဆရာဝန်က မျက်နှာ၊ မေးရိုးနှင့်ခံတွင်း ခွဲစိတ်ကုသမှု များအကြောင်းတို့ကို ဆွေးနွေးတင်ပြခဲ့ကြောင်း သိရသည်။