ကျော် (NSS) - နိုဝင်ဘာ ၄

အလှူငွေကျပ်သိန်း ၁၇၄၂ သိန်းကျော်ရှိသည့် ပဒေသာပင် ၈၆ ပင် ပါဝင်သော ကာကွယ်ရေးဦးစီး ချုပ်ရုံး (ကြည်း၊ ရေ၊ လေ) မိသားစုများ၏ နိုဝင်ဘာ ၃ ရက်၊ နံနက်ပိုင်းက ကျင်းပသည့် (၁၃)ကြိမ်မြောက် မဟာဘုံကထိန်သို့ နစက ဥက္ကဋ္ဌ တက်ရောက် လှူဒါန်းခဲ့သည်။

(၁၃) ကြိမ်မြောက် မဟာဘုံကထိန်အလှူတော်အား ကာကွယ်ရေးဦးစီးချုပ်ရုံး (ကြည်း)၊ အနော်ရထာခန်းမ၌ ကျင်းပရာ ဥပ္ပါတသန္တိစေတီတော်ဂေါပကအဖွဲ့ ဩဝါဒါစရိယဆရာတော် နေပြည်တော်၊ လယ်ဝေးမြို့၊ ပေါက်မြိုင် ကျောင်းတိုက် ပဓာနနာယက ဆရာတော်ကြီးအမှူးပြုသည့် ဆရာတော်ကြီး ၂၇ ပါး ကြွရောက်တော်မူခဲ့ကြသည်။

နစကဥက္ကဋ္ဌ နှင့် ဇနီးတို့မှ ဘုန်းတော်ကြီးကျောင်းအသီးသီးသို့ လှူဒါန်းရန်ပြင်ဆင်ထားသည့် ကထိန် သင်္ကန်း၊ လှူဖွယ်ပစ္စည်းများနှင့်ပဒေသာပင်များကို ကြည့်ရှုကာ အနော်ရထာခန်းမအတွင်းရှိ ဗုဒ္ဓရုပ် ပွားတော်မြတ်အား မြသပိတ်ဆွမ်းတော်နှင့်ပန်း၊သောက်တော်ရေချမ်း၊ဆီမီး၊သစ်သီးတို့ကို ဆက် ကပ်လှူဒါန်းခဲ့သည်။

ထို့ပြင် ပေါက်မြိုင်ကျောင်းတိုက်ပဓာနနာယက ဆရာတော်ကြီးထံမှ ကိုးပါးသီလခံယူကာ ဆရာတော်ကြီးများမှ မေတ္တာသုတ် ပရိတ်တရားတော်များ ရွတ်ပွားချီးမြှင့်တော်မူခဲ့ကြသည်။

ထို့နောက် နစကဥက္ကဋ္ဌနှင့် ဇနီးတို့မှ နေပြည်တော်၊ ဇေယျာသီရိမြို့နယ်၊ ရေဆင်းကန်ဦးကျောင်းတိုက် ပဓာန နာယက အဂ္ဂမဟာပဏ္ဍိတ ဘဒ္ဒန္တဝိလာသ၊ ပေါက်မြိုင်ကျောင်းတိုက် ပဓာနနာယကဆရာတော်ကြီးတို့ထံ ကထိန်သင်္ကန်း နှင့် လှူဖွယ်ပစ္စည်းများကို ဆက်ကပ်လှူဒါန်းခဲ့ကြသည်။

ထိုသို့ ဆက်ကပ်လှူဒါန်းပြီးနောက် ပါဠိတက္ကသိုလ် မင်္ဂလာဇေယျုံ ကျောင်းတိုက်ပဓာနနာယက ဆရာတော်ကြီးထံ မှ နစကဥက္ကဋ္ဌ နှင့် ဇနီး၊ တာဝန်ရှိသူများက ကထိန်အနုမောဒနာတရားနာယူ၍ အနုမော ဒနာတရားနာကြားကာ လှူဒါန်းမှူအစုစုအတွက် ရေစက်သွန်းချအမျှပေးဝေခဲ့ကြသည်။

ကာကွယ်ရေးဦးစီးချုပ်ရုံး(ကြည်း၊ ရေ၊ လေ) မိသားစုများ၏ (၁၃) ကြိမ်မြောက် မိသားစုမဟာဘုံကထိန် အလှူတော်၏ အလှူငွေကျပ် ၁၇၄၂ သိန်းကျော်ရှိသည့် ပဒေသာပင် ၈၆ ပင်အား နိုဝင်ဘာ ၁ ရက်က ကာကွယ်ရေးဦးစီးချုပ်ရုံး (ကြည်း)၊ အနော်ရထာခန်းမမှ ဥပ္ပါတသန္တိစေတီတော်မြတ်ကြီးသို့ လှည့်လည်ခဲ့ကြသည်။