ရောင်နီ(NSS) - စက်တင်ဘာ ၂၃

        ဗြိတိန်ဝန်ကြီးချုပ် ရီရှီဆူနက်ခ်ဟာ နောက်မျိုးဆက်သစ်တွေအတွက် စီးကရက်သောက်ခြင်းကို တားမြစ်သွားမယ့် အစီအမံတွေချမှတ်ဖို့ စဉ်းစားနေကြောင်း အစိုးရသတင်းရင်းမြစ်တွေရဲ့ပြောကြားချက်အရသောကြာနေ့(စက်တင်ဘာလ ၂၂ ရက်)မှာ သိရပါတယ်။ 

မစ္စတာဆူနက်ခ်ဟာ ၂၀၀၉ ခုနှစ်နောက်ပိုင်း မွေးဖွားသူတိုင်းကို ဆေးလိပ်ရောင်းချခြင်း၊ တားမြစ်ခြင်းအပါအဝင် နယူးဇီလန်နိုင်ငံမှာ ယမန်နှစ်က ထုတ်ပြန်ခဲ့တဲ့ ဥပဒေတွေနဲ့ ဆင်တူတဲ့ ဆေးလိပ်သောက်ခြင်း တိုက်ဖျက်ရေးအစီအမံတွေကို ချမှတ်ဖို့စဉ်းစားနေတယ်လို့ အစီရင်ခံစာက ဆိုပါတယ်။ 

"၂၀၃၀ ပြည့်နှစ်မှာ ဆေးလိပ်သောက်သုံးမှု ကင်းစင်ရေး ရည်မှန်းချက်အတွက် ကျွန်တော်တို့နဲ့ ပူးပေါင်းပြီး ဆေးလိပ်ဖြတ်ဖို့ တိုက်တွန်းချင်ပါတယ်။ ဆေးလိပ်သောက်နှုန်းကို လျှော့ချဖို့ ခြေလှမ်းတွေ စတင်နေပါပြီ"လို့ ဗြိတိန်အစိုးရ ပြောရေးဆိုခွင့်ရှိသူက ပြောကြားခဲ့ပါတယ်။ 

အဆိုပါအစီအမံတွေမှာ vape kits အခမဲ့ပေးခြင်း၊ ကိုယ်ဝန်ဆောင်အမျိုးသမီးတွေကို ဆေးလိပ်ဖြတ်ဖို့ လှုံ့ဆော်ခြင်း အစီအစဉ်ဆိုင်ရာအကြံဉာဏ်တွေပါဝင်တယ်လို့ ဒီကိစ္စနဲ့ပတ်သတ်ပြီး ပြောရေးဆိုခွင့်ရှိသူကဆိုပါတယ်။ ပြီးခဲ့တဲ့ မေလကလည်း ဗြိတိန်ဟာ ကလေးငယ်တွေကို e-cigarettes  လက်လီရောင်းချသူတွေရဲ့ vape နမူနာတွေ အခမဲ့ပေးဆောင်ခြင်းကို ထိန်းချုပ်ပိတ်ပစ်သွားမယ်လို့ ကြေညာခဲ့ပါတယ်။        

ဇူလိုင်လက ဗြိတိန်နိုင်ငံ၊ ဝေးပြည်နယ်ရှိ ကောင်စီတွေဟာ တခါသုံး e-cigarettes vapes ရောင်းချခြင်းကို ၂၀၂၄ ခုနှစ်မှာ တားမြစ်ဖို့ အစိုးရကို တောင်းဆိုခဲ့ဖူးပါတယ်။