အရန်ဆန်အိတ်ရေ(၅၀၀၀၀) အပါအဝင် ဆန်အိတ်ရေ နှစ်သိန်းနီးပါးကို ယခုလအတွင်း ထုတ်ရောင်းပေးမည်ဟု ဆန်စပါး အသင်းချုပ်ကြေညာ
ယွန်း (NSS) - သြဂုတ် ၇
အရန်ဆန်အိတ်ရေ(၅၀၀၀၀) အပါအဝင် ဆန်အိတ်ရေပေါင်း နှစ်သိန်းနီးပါးကို ယခုလအတွင်းဈေးကွက်၌ ထုတ်ရောင်းပေးမည်ဟု ဆန်စပါးအသင်းချုပ်မှ ကြေညာထားသည်။
မြန်မာနိုင်ငံဆန်စပါးအသင်းချုပ်(MRF)က ယနေ့(သြဂုတ်လ ၇ ရက်)တွင် အထက်ပါကဲ့သို့ အသိပေးထုတ်ပြန်ထားခြင်းဖြစ်သည်။
မြန်မာနိုင်ငံဆန်စပါးအသင်းချုပ် အပါအဝင် ညီနောင်အသင်းအဖွဲ့များ၊ ဆန်စပါး ပို့ကုန်ကုမ္ပဏီများ၊ ဆန်စက်များ/ဆန်ကုန်သည်များစုပေါင်း၍ သြဂုတ်လနှင့် စက်တင်ဘာလများတွင် ဆန်ဈေးနှုန်းတည်ငြိမ်ရေးနှင့် ပြည်သူများကို သက်သာသောဈေးဖြင့် ဆန်များရောင်းချပေးရေးကို ဆောင်ရွက်သွားမည်ဖြစ် ကြောင်း သိရသည်။
ထို့ကြောင့် အသင်းချုပ်အနေဖြင့် အရန်ဆန် အိတ်ရေ (၅၀၀၀၀) အပါအဝင် ဆန်အိတ်ရေပေါင်း (၁၇၀၀၀၀) ကို ယခု သြဂုတ်လအတွင်း ဈေးကွက်အတွင်းထုတ်၍ ရောင်းချပေးသွားမည်ဖြစ်ကြောင်း ထုတ်ပြန်ထားသည်။
အဆိုပါ ဆန်အိတ်ရေ (၁၇၀၀၀၀)၌အရန်ဆန်အိတ်ရေ (၅၀၀၀၀)နှင့် ဧည့်မထ/ရက်(၉၀) စသည့် ဆန်အိတ်ရေ (၁၀၀၀၀၀)၊ ပေါ်ဆန်းမျိုးစုံအိတ်ရေ (၂၀၀၀၀)တို့ ပါဝင်ကြောင်းသိရပြီး လိုအပ်ပါက ထပ်မံ၍ ထည့်သွင်းရောင်းချပေးမည်ဖြစ်ကြောင်း ဆန်းစပါး အသင်းချုပ်မှ အသိပေးထားသည်။
ထို့ပြင် ဆန်စပါးအသင်းချုပ်အနေဖြင့် ယနေ့(သြဂုတ်လ ၇ ရက်)မှစတင်ကာ သက်သာသောဈေးနှုန်းများဖြင့် ပေါ်ဆန်း၊ ဧည့်မထဆန်မျိုးစုံကို လမ်းမတော်- ဝါးတန်းဆန်စပါးကုန်စည်ဒိုင်နှင့် ဘုရင့်နောင်ဆန်စပါးကုန်စည်ဒိုင်တို့တွင် ရောင်းချပေးလျက်ရှိကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
တရုတ်နိုင်ငံအနေဖြင့် မြန်မာနိုင်ငံနှင့်အတူ အားကစားဆိုင်ရာများ ဖလှယ်ရေး ပူးပေါင်းဆောင်ရွက်မှုမြှင့်တင်ရန် ဆန္ဒရှိနေ
RELATED POSTS
24 Oct 2024 | လူမှုရေး,နိုင်ငံတကာ
23 Oct 2024 | လူမှုရေး,ပြည်တွင်း
03 Oct 2024 | လူမှုရေး,ပြည်တွင်း