NSS - ဇွန် ၂၁

လူထုဦးလှနှင့် လူထုဒေါ်အမာတို့၏ အငယ်ဆုံးသားဖြစ်သူ စာရေးဆရာညီပုလေး ကွယ်လွန်သွားပြီဖြစ်ကြောင်း သတင်းရရှိသည်။

စာရေးဆရာညီပုလေးသည် ယနေ့(ဇွန်လ ၂၁ ရက်)၊ နံနက် ၁ဝ နာရီအချိန်ခန့်တွင် နှလုံးရောဂါဖြင့် ကွယ်လွန်ဆုံးပါးသွားခဲ့ခြင်းဖြစ်ကြောင်း ၎င်း၏မိသားစုဝင်များက အသိပေးပြောဆိုထားသည်။

“စာရေးဆရာညီပုလေး ကွယ်လွန်သွားပါတယ်လို့ မိသားစုဝင်များထံမှ အတည်ပြုချက် ရရှိပါတယ်။ စာရေးဆရာညီပုလေးဟာ စာရေးဆရာ လူထုဦးလှနဲ့ လူထုဒေါ်အမာတို့ရဲ့သားအငယ်ဆုံး ဖြစ်ပါတယ်။ ဆရာ ညီပုလေး ကွယ်လွန်သွားတဲ့ ဆုံးရှုံးမှုအတွက် လွန်စွာမှ စိတ်ထိခိုက်ကြေကွဲ မ်းနည်းဖြစ်ရပါတယ်” ဟု တိုးမြစ်စာအုပ်တိုက်မိသားစုက အသိပေးပြောဆိုထားသည်။

လက်ရှိတွင် စာရေးဆရာညီပုလေး ကွယ်လွန်ဆုံးပါးသွားမှုအပေါ် ၎င်း၏ ပရိတ်သတ်များနှင့် မိတ်ဆွေများက ဝမ်းနည်းကြေကွဲရကြောင်း ထုတ်ဖော်ပြောဆိုနေလျက်ရှိသည်။

စာရေးဆရာညီပုလေးကို မန္တလေးမြို့၌ စာရေးဆရာလူထုဦးလှနှင့် လူထုဒေါ်အမာတို့က မွေးဖွားခဲ့ခြင်းဖြစ်ပြီး မွေးချင်း(၅) ဦးအနက် အငယ်ဆုံးသားဖြစ်ကြောင်း သိရသည်။

ထို့ပြင် စာရေးဆရာညီပုလေးသည် “ထက်မြက်သော ဓားသွားပေါ်က ချိုမြမြပျားရည်စက်” စာအုပ်ဖြင့် ပြီးခဲ့သည့် ၂ဝ၁၆ ခုနှစ်အတွင်း၌ အမျိုးသားစာပေဆု ရရှိခဲ့သူတစ်ဦးလည်း ဖြစ်သည်။

စာရေးဆရာညီပုလေး၏ လူအ အိပ်မက်၊ လမင်းရဲ့ ချိုသာတဲ့ လက်ခုပ်သံ၊ ချစ်ကြပါတဲ့ ညီပုလေး စသော ဝတ္တုများသည် လူသိများထင်းရှားသည့် စာပေးများ ဖြစ်သည်။

စာရေးဆရာညီပုလေးသည် ကွယ်လွန်ဆုံးပါးချိန်၌ အသက်(၇၁)နှစ်အရွယ်ရှိပြီဖြစ်ကြောင်း သိရသည်။