စော (NP News) - ဇွန် ၆

မြန်မာနိုင်ငံအင်ဂျင်နီယာကောင်စီ၌ လစ်လပ်လျက်ရှိသော ကြီးကြပ်ရေးမှူးနှင့် ဒုတိယကြီးကြပ်ရေးမှူး ရာထူးနေရာများကို လျှောက်ထားနိုင်ကြောင်း သိရသည်။

မြန်မာနိုင်ငံအင်ဂျင်နီယာကောင်စီမှ ယမန်နေ့(ဇွန်လ ၅ ရက်)၊ ညပိုင်းတွင် အထက်ပါကဲ့သို့ထုတ်ပြန်ထားခြင်းဖြစ်သည်။

လျှောက်ထားလိုသူများသည် ဇွန်လ (၃ဝ)ရက် နောက်ဆုံးထား၍ လူကိုယ်တိုင်ဖြစ်စေ၊ Email ဖြင့်လည်းပေးပို့လျှောက်ထားရမည်ဖြစ်ကြောင်း ထုတ်ပြန်ချက်တွင်ပါရှိသည်။

ထို့ပြင် အင်ဂျင်နီယာဘွဲ့နှင့် နည်းပညာဘွဲ့ရရှိသူများလည်း လျှောက်ထားနိုင်ကြောင်း ထုတ်ပြန်ချက်အရ သိရသည်။ အလားတူ ကွန်ပျူတာနှင့်ပတ်သတ်သည့် အခြားကျွမ်းကျင်မှုနှင့် English 4 skills ကျွမ်းကျင်ရန်လိုအပ်ကြောင်း သိရသည်။