ဂျန်ဇက် (NSS) - ဩဂုတ် ၂၅

ယူကရိန်းကို အမေရိကန်အစိုးရက ကူညီထောက်ပံ့ပေးထားတဲ့ တင့်ကားများအနက် သုံးပုံနှစ်ပုံခန့် ပျက်စီးဆုံးရှုံးထားပြီဖြစ်ကြောင်း Military Watch Magazine မဂ္ဂဇင်းက ဖော်ပြခဲ့ပါတယ်။ အမေရိကန်အစိုးရဟာ ယူကရိန်းနဲ့ ရုရှားနိုင်ငံကြား စစ်ပွဲဖြစ်လာခဲ့ပြီးနောက်ပိုင်း ယူကရိန်းကို စစ်လက်နက် ပစ္စည်းများ ကူညီထောက်ပံ့ပေးခဲ့ရာ  အဓိကတိုက်ပွဲဝင်တင့်ကား အမျိုးအစားဖြစ်တဲ့ Abrams M1 တွေကူညီထောက်ပံ့ပေးထားကြောင်း သိရပါတယ်။ အဆိုပါ မဂ္ဂဇင်းက ယူကရိန်းဟာ နှစ်ဝက်အတွင်း အမေရိကန်ထောက်ပံ့ပေးထားတဲ့ Abrams M1 တင့်ကားအစီးရေ (၃၁)စီးနက် အစီး (၂ဝ)ခန့် ထိခိုက်ဆုံးရှုံးထားကြောင်း ပြောပါတယ်။ မကြာသေးမီက ရုရှားပိုင်နက်တွေကိုတိုက်ခိုက်ချိန်အတွင်း ယူကရိန်းတပ်ဖွဲ့တွေဟာ Abrams M1 တင့်ကားတွေကို အသုံးပြုခဲ့ပြီး ဖျက်ဆီးခံခဲ့ရကြောင်းသိရပါတယ်။ 

Abrams M1 အမျိုးအစားတင့်ကားတွေဟာ နာမည်ကျော်တင့်ကားတွေဖြစ်ပေမယ့် နည်းပညာပိုင်းချို့ယွင်းအားနည်းချက်တွေကြောင့် ယူကရိန်းစစ်သားတွေ အသုံးပြုရာမှာအဆင်မပြေခြင်းတွေဖြစ်ပွားခဲ့ကြောင်း ဆိုပါတယ်။ ယူကရိန်းဟာ ရုရှားနဲ့စစ်ပွဲဖြစ်ပွားခဲ့ပြီးနောက်ပိုင်း Abrams အမျိုးအစားတင့်ကား၊ ဂျာမနီနိုင်ငံထုတ် Leopard 2 အမျိုးအစားတင့်ကား၊ ဗြိတိန်နိုင်ငံထုတ် Challenger 2 အမျိုးအစားတင့်ကား နဲ့ ဆိုဗီယက်ခေတ်ထုတ် T-80 အမျိုးအစားတင့်ကားတွေအသုံးပြုနေဆဲဖြစ်ပါတယ်။ အမေရိကန်ဦးဆောင်တဲ့အနောက်အုပ်စုနိုင်ငံတွေဟာ ယူကရိန်းနဲ့ ရုရှားနိုင်ငံကြားစစ်ပွဲစတင်ဖြစ်ပွားခဲ့ပြီးနောက်ပိုင်း ယူကရိန်းကို စစ်လက်နက်ပစ္စည်းများကူညီပေးခဲ့ရာ ယူကရိန်းသမ္မတတောင်းဆိုထားတဲ့အတိုင်း အက်ဖ် ၁၆ တိုက် လေ ယာဉ်တွေ ကူညီပေးဖို့ စီစဉ်နေပါတယ်။