ဂျန်ဇက် (NSS) - မတ် ၂၈

အစ္စရေးဝန်ကြီးချုပ်နေတန်ရာဟုက အမေရိကန်နိုင်ငံကို အစ္စရေးအစိုးရအဖွဲ့ဝင်ကိုယ်စားလှယ်တွေ မစေလွှတ်ခြင်းဟာ ဟားမက်စ်အဖွဲ့ကို မက်ဆေ့ပေးလိုက်ခြင်းဖြစ်ကြောင်း ပြောပါတယ်။ 

အမေရိကန်ဟာ ပြီးခဲ့တဲ့ရက်ပိုင်းက ကျင်းပခဲ့တဲ့ အမေရိကန်လုံခြုံရေးကောင်စီ အစည်း အဝေးအဝေးပွဲမှာ ဂါဇာအရေးနဲ့ပတ်သက်ပြီး ဆုံးဖြတ်ချက်မူကြမ်းကို ဗီတိုအာဏာသုံး ကန့်ကွက်ဖို့ ငြင်းဆန်ခဲ့ပြီးနောက် အစ္စရေးက အမေရိကန်နိုင်ငံထံ ကိုယ်စားလှယ်အဖွဲ့စေလွှတ်မယ့်အစီအစဉ်ကို ဖျက်သိမ်းလိုက်ကြောင်းသိရပါတယ်။ အစ္စရေးဝန်ကြီးချုပ်နေတန်ရာဟုက "ဂါဇာအရေးနဲ့ပတ်သက်ပြီး လုံခြုံရေးကောင်စီအစည်းအဝေးမှာ အမေရိကန်ရဲ့ဆုံးဖြတ်ချက်ဟာ အလွန်ဆိုးရွားလွန်းခဲ့တယ်လို့ထင်မိပါတယ်။ ဟားမက်စ်အဖွဲ့ဟာ နိုင်ငံတကာဖိအားတွေကို အသုံးချပြီး အစ္စရေးကို တားဆီးဖို့ ကြိုးပမ်းနေတာဖြစ်တယ်။" လို့ပြောပါတယ်။

အစ္စရေးဝန်ကြီးချုပ်က အမေရိကန်နိုင်ငံကို အစ္စရေးကိုယ်စားလှယ်အဖွဲ့ မစေလွှတ်တော့တဲ့ ဆုံးဖြတ်ချက်ဟာ ဟားမက်စ်အဖွဲ့ကိုပြင်းထန်တဲ့ မက်ဆေ့ပေးလိုက်တာမျိုးဖြစ်ကြောင်း၊ဟားမက်စ်အနေနဲ့ နိုင်ငံတကာကို ဖိအားပေးတာမျိုးမလုပ်ဖို့ နဲ့ နိုင်ငံတကာကို ဖိအားပေးရုံနဲ့ အလုပ်ဖြစ်မှာမဟုတ်ဘူးဆိုတာ မက်ဆေ့ပေးခြင်းမျိုးဖြစ်ကြောင်း ပြောပါတယ်။ အမေရိကန်ဟာ အစ္စရေးကို ဂါဇာဒေသရှိ ရာဖယ်မြို့ကိုတိုက်ခိုက်ခြင်းများမလုပ်ဖို့ တောင်းဆိုခဲ့ပေမယ့် အစ္စရေးက လက်ခံခြင်းမရှိဘဲသဘောထားကွဲလွဲမှုတွေဖြစ်လာခဲ့ကြောင်းသိရပါတယ်။ အမေရိကန်က ရာဖယ်မြို့ကို တိုက်ခိုက်မယ်ဆိုရင် အရပ်သားတွေ ပိုမိုသေဆုံးနိုင်ဖွယ်ရှိတဲ့အတွက်မတိုက်ခိုက်ဖို့ တောင်းဆိုခဲ့ပေမယ့် အစ္စရေးကတော့ ရာဖယ်မြို့ကိုမတိုက်ခိုက်ဘူးဆိုရင်ဟားမက်စ်လက်နက်ကိုင်အဖွဲ့ကို အပြီးသတ်ချေမှုန်းနိုင်မှာမဟုတ်ဘူးလို့ဆိုပါတယ်။