Pearl (NSS) – မတ် ၂၆

စျေးကွက်အတွင်း၌ ဆေးဝါးမှတ်ပုံတင်မရှိသော Air X Tablet များ ရောင်းချမှုများရှိနေပြီး သုံးစွဲရန် မသင့်ကြောင်း FDA  သတိပေးက သတိပေးထုတ်ပြန်ထားသည်။ 

အစားအသောက်နှင့်ဆေးဝါးကွပ်ကဲရေးဦးစီးဌာန (FDA) က ယနေ့ (မတ်လ ၂၆ ရက်) တွင် သတိပေးထုတ်ပြန်ထားခြင်းဖြစ်သည်။ 

အစားအသောက်နှင့်ဆေးဝါးကွပ်ကဲရေးဦးစီးဌာနအနေဖြင့် ဈေးကွက်ရှိဆေးဝါးများကို ပုံမှန်စစ်ဆေးလျက်ရှိပြီး အရည်အသွေး၊ အာနိသင်၊ ဘေးအန္တရာယ်အာမခံချက်မရှိသည့် ဆေးဝါးမှတ်ပုံတင်မရှိသော Air X Tablet များကို ဈေးကွက်အတွင်း ရောင်းချနေခြင်းအား တွေ့ရှိရသည်ဟု ဆိုသည်။

ထိုသို့တွေ့ရှိရသဖြင့် ပြည်သူများ သတိပြုနိုင်ရန် နှင့် သုံးစွဲခြင်းမှရှောင်ကျဉ်နိုင်ရန် မှတ်ပုံတင်ရှိသောဆေးဝါးနှင့် တရားမဝင်ဆေးဝါးများကို FDA က နှိုင်းယှဉ်အသိ ပေးထုတ်ပြန်ထားသည်။

FDA မှ အသိပေးထုတ်ပြန်ထားသည့် တရားမဝင်ဆေးဝါးများတွင် Air X Tablet နှင့် Air X Tablet Orange တို့ ပါဝင်ကြောင်း သိရသည်။ 

တရားမဝင်တင်သွင်းထားသော Air X Tablet နှင့် Air X Tablet (Orange)  တို့သည် တရားဝင်တင်သွင်းထားသော Air X Tablet နှင့် ဆေးဗူးပုံစံမတူသည့်အပြင် ဆေးဗူးပေါ်တွင် English နှင့် Thai ဘာသာနှစ်မျိုးဖြင့်ရေးသားဖော်ပြထားပြီး ဆေးကဒ်အရေအတွက်ဖော်ပြပုံ မတူကြောင်း သိရသည်။ 

တရားဝင်တင်သွင်းထားသော Air X Tablet သည် တရားဝင်တင်သွင်းထားသော Air X Tablet နှင့် ဆေးဗူး ပုံစံမတူသည့်အပြင် ဆေးဘူး ပေါ်တွင် English နှင့် မြန်မာစာ နှစ်မျိုး ဖြင့်ရေးသားဖော်ပြထားကြောင်း FDAက သတိပေးထုတ်ပြန်ထားသည်။