အကောင်းဆုံး ဟာသဆုများ စတင်ချီးမြှင့်တော့မည်
ယွန်း (NSS) - ဇွန် ၁၂
ရုပ်ရှင်၊ ဗီဒီယိုဇာတ်ကားများအပါအဝင် YouTube စသည့် Social Media များမှ အကောင်းဆုံး ဟာသပညာရှင်များကို စိစစ်ရွေးချယ်၍ ထူးချွန်ဆုများ ချီးမြှင့်မည်ဖြစ်ကြောင်း မြန်မာနိုင်ငံ ဟာသပညာ ရှင်များအစည်းအရုံး(ဗဟို)က ဇွန်လ(၇)ရက်နေ့တွင် အသိပေးကြေညာထားသည်။ မြန်မာနိုင်ငံ ဟာသပညာရှင်များအစည်းအရုံး(ဗဟို)အနေဖြင့် အသက်(၆၅)နှစ်အထက် သက် ကြီးဟာသပညာရှင်များကို နှစ်စဉ်ကန်တော့ခဲ့ရာ ယခုနှစ်တွင် (၁၄) ကြိမ်မြောက် ကျင်းပသွားမည်ဖြစ်ကြောင်း သိရသည်။
အဆိုပါအခမ်းအနားကို လာမည့် ဇူလိုင် လ (၇) ရက်နေ့တွင် ကျင်းပသွားမည်ဖြစ်ပြီး ယခုနှစ် တွင် ပထမဆုံးအကြိမ်အနေဖြင့် အကောင်းဆုံး ဟာသပညာရှင် ထူးချွန်ဆုများကို ပေးအပ်သွားမည်ဖြစ်ကြောင်း သိရသည်။
“ထူးချွန်ဆုတွေပေးတာက ဒီနှစ်မှာ ပထမဆုံးအကြိမ်ပဲ။ အဘဖိုးပါကြီးတို့ လက်ထက်ကနေ စပြီးတော့ ပျော်ရွှင်အောင်လုပ်ပေးခဲ့တဲ့သူတွေ အကယ်ဒမီမရခဲ့ဘူး။ ဖိုးပါကြီးတို့၊ မိုးဒီတို့၊ မော့စ်၊ ဗေလုဝ၊ အုန်းသီးတို့ဆိုတာက မျက်ရည်ကျခဲ့လို့ အကယ်ဒမီရခဲ့တာ။ အဲဒီတော့ ကျွန်တော်တို့က ပရိသတ်ကို ရယ်အောင်လုပ်ပေးတဲ့ အမောပြေအောင်လုပ်ပေးတဲ့ အနုပညာရှင်တွေကို ဒီလိုပေးမှာပေါ့။ ရုပ်ရှင် သရုပ်ဆောင်၊ ဗီဒီယိုသရုပ်ဆောင်အပြင် You Tube တို့လို အွန်လိုင်းပေါ်မှာ ရယ်အောင်လုပ်ပေးနိုင်တဲ့က လေးတွေကို ပံ့ပိုးတဲ့အနေနဲ့ ဘဝရဲ့မှတ်တိုင်လေးဖြစ်အောင် လုပ်ပေးတာပေါ့” ဟု မြန်မာနိုင်ငံ ဟာသပညာရှင်များ အစည်းအရုံး(ဗဟို) ဥက္ကဋ္ဌ ဦးဒိန်းဒေါင်က NSS ကို ပြောသည်။
ထိုသို့ ချီးမြှင့်ရာတွင် ၂၀၂၃- ၂၀၂၄ ရုံ တင်ကားများ၊ ဗီဒီယိုဇာတ်ကားများနှင့် အွန်လိုင်းပေါ်မှ ရုပ်သံဇာတ်လမ်းတွဲများမှ သရုပ်ဆောင်များကို စိစစ် ရွေးချယ်သွား မည်ဖြစ်ကြောင်း ၎င်းက ဆိုသည်။ အဆိုပါ ထူးချွန်ဆုများတွင် အကောင်းဆုံး ဟာသပညာထူးချွန်ဆု(၄)ဆု၊ ဟာသပညာပံ့ပိုးဆု (၁)ဆုနှင့် ဟာသပညာဖန်တီးဆု(၄)ဆု စုစုပေါင်း(၉)ဆုတို့ကို ချီးမြှင့်သွားမည်ဖြစ်ကြောင်း သိရသည်။
“ဒီနှစ်မှာ စလုပ်တာဖြစ်တဲ့အတွက် အရမ်းလည်းကြိုးစားရပါတယ်။ ကျွန်တော်တို့မှာ ဘယ်က ပံ့ပိုးထောက်ပံ့မှုမှ မရှိပါဘူး။ စေတနာရှင် အလှူရှင်တွေရဲ့ ပံ့ပိုးမှု၊ ထောက်ပံ့မှု၊ လှူဒါန်းမှုနဲ့ပဲ နှစ်တိုင်း သွားနေရတာပါ။ အခုဆိုရင် မြန်မာတစ်နိုင်ငံလုံးက အစည်းအရုံးရှိတဲ့နေရာတွေရှိတဲ့ ရပ်ကွက်တိုင်း၊ မြို့ နယ်တိုင်းမှာ အလှူခံနေကြပါတယ်။ အခုတော့ ကြိုးစားနေကြပါတယ်” ဟု ဥက္ကဋ္ဌ ဦးဒိန်းဒေါင်က ပြောသည်။
ယခု (၂၀၂၄)ခုနှစ် သက်ကြီးကန်တော့ပွဲတွင် စုစုပေါင်း သက်ကြီးဟာသပညာရှင်(၁၀ဝ)ကျော်ကို ကန်တော့သွားမည်ဖြစ်ပြီး ပြီးခဲ့သည့် ၂၀၂၃ ခုနှစ်တွင် ကန်တော့ခံဦးရေ (၁၆၀)ခန့်ရှိခဲ့ကြောင်း သိရသည်။ လက်ရှိတွင် တစ်နိုင်ငံလုံး၌ မြန်မာနိုင်ငံ ဟာသပညာရှင်များအစည်းအရုံးအဖွဲ့ဝင် (၁၀ဝဝ)ကျော် ရှိကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
တရားမဝင်တက်ကြွလှုပ်ရှားသူ ခြောက်ဦး၏ နိုင်ငံကူးလက်မှတ်များကို ဟောင်ကောင်အစိုးရ ပယ်ဖျက်
RELATED POSTS
04 Sep 2024 | အနုပညာ,နိုင်ငံတကာ
31 Aug 2024 | အနုပညာ,ပြည်တွင်း
29 Aug 2024 | အနုပညာ,နိုင်ငံတကာ
29 Aug 2024 | အနုပညာ,နိုင်ငံတကာ