Pika (NSS) - စက်တင်ဘာ ၇

အင်္ဂလန်နိုင်ငံရှိပြုစုစောင့်ရှောက်ရေးဂေဟာ တစ်ခုတွင်နေထိုင်သော ကမ္ဘာ့အသက်အကြီးဆုံး အမျိုးသားသည် ၎င်း၏အသက်(၁၁၂)နှစ်ပြည့် မွေးနေ့ကို ဩဂုတ်လ(၂၆)ရက်နေ့တွင် ကျင်းပခဲ့ ကြောင်း သိရသည်။ John Alfred Tinniswood  ဆိုသည့်အမျိုးသားသည် နာမည်ကျော်တိုက်တန်းနစ် သင်္ဘော ကြီးနစ်မြုပ်ပြီးနောက် လေးလကျော်အကြာ ၁၉၁၂ ခုနှစ် ဩဂုတ်လ(၂၆)ရက်နေ့တွင် မွေးဖွားခဲ့ခြင်းဖြစ်ကြောင်းသိရသည်။ 

John Alfred Tinniswood ကို ကမ္ဘာ့အသက်အကြီးဆုံးအမျိုးသား အဖြစ် ယခု နှစ်အစောပိုင်းတွင် ကမ္ဘာ့ဂင်းနစ်စံချိန်မှတ်တမ်းအဖွဲ့က အသိအမှတ်ပြုခဲ့ပြီးနောက် ၎င်း၏ အသက် (၁၁၂)နှစ်ပြည့်မွေးနေ့ကို Southpor  အမြို့ ရှိ ပြုစုစောင့်ရှောက်ရေးဂေဟာတွင် ကျင်းပခဲ့ ခြင်း ဖြစ် ကြောင်းသိရသည်။ 

၎င်းက “ ရိုးရိုးသားသားပြောရ မယ်ဆိုရင် ဒီဂင်းနစ်စံချိန်က ကျွန်တော့်ကို အရမ်းကြီး အံ့ဩမသွားစေခဲ့ပါဘူး။ အသက်(၁၁၂)နှစ်ပြည့်သွား တာနဲ့ပတ်သက်ပြီး ကျွန်တော်စိတ်လှုပ် ရှားတာမျိုး မရှိခဲ့ပါဘူး။ ဒါက ကျွန်တော်ရောက်သင့်တဲ့နေရာ တစ်ခုမလို့ ရောက်နေတာလို့ပဲ မှတ်ထား ပါတယ်” ဟု ပြောဆိုခဲ့သည်။ ထို့ပြင် ၎င်း၏အသက်ရှည်ရခြင်း လျှို့ဝှက်ချက်ကိုလည်း လုံးဝမသိကြောင်း  John Alfred Tinniswood ကပြောကြားခဲ့သည်။ 

၎င်း က “ကျွန်တော့်မှာ ထူးခြားတဲ့လျှို့ဝှက်ချက်တွေရှိ တယ်လို့တော့မထင်ပါဘူး။ ကျွန်တော်အသက်ငယ်တုန်းက လမ်းလျှောက်တာတွေ၊ လေ့ကျင့် ခန်းတွေ အများကြီးလုပ်ခဲ့တာမျိုးပဲရှိပါတယ်။ အခြားတစ်မူထူး ခြားတာမျိုးတော့ ကျွန်တော့်မှာမရှိပါဘူး”ဟုပြောဆိုခဲ့သည်။