ရောင်နီ (NSS) - စက်တင်ဘာ ၁၆           

"Flower of Evil” “Vincenzo" ဒရာမာဇာတ်လမ်းတွေမှာ လူသိများတဲ့ တောင်ကိုရီးယားမင်းသား ချိုယောင်ဂျွန် လာမယ် အောက်တိုဘာလထဲ လက်ထပ်တော့မယ့်သတင်းကို ပရိသတ်တွေဆီ အကြောင်းကြားလာခဲ့ပါတယ်။ 

ဒီအကြောင်းကို ချိုယောင်းဂျွန်ရဲ့အေဂျင်စီ ACE FACTORY က စက်တင်ဘာ ၁၅ ရက်မှာ ကြေညာခဲ့ခြင်းဖြစ်ပါ တယ်။ အေဂျင်စီက "ချိုယောင်းဂျွန်ရဲ့ မင်္ဂလာသတင်းနဲ့ပတ်သက်ပြီး တရားဝင်ထုတ်ပြန်ချက်ကို မျှဝေလိုပါတယ်။ ချိုယောင်းဂျွန်ဟာ သူ့ရဲ့ကာလရှည်ကာ လက်တွဲခဲ့တဲ့လက်တွဲဖော်နဲ့ အောက်တိုဘာလ ၂၀ ရက်မှာ မင်္ဂလာပွဲ ကျင်းပတော့မှာဖြစ်ပါတယ်။ အခမ်းအနားကို တောင်ကိုရီးယားနိုင်ငံ၊ ဆိုးလ်မြို့၊ တစ်နေရာမှာ ရင်းနှီးသူ မိတ်ဆွေများနဲ့ သီးသန့်ကျင်းပသွားမှာဖြစ်ပါတယ်။ ချိုယောင်ဒဂျွန်ရဲ့အိမ်ထောင်ရေးသတင်းအတွက် နွေးထွေးစွာ ဂုဏ်ပြုကြိုဆိုအပ်ပါတယ်။ ကျေးဇူးတင်ပါတယ်" လို့ ပြောကြားခဲ့ပါတယ်။ 

ချိုယောင်းဂျွန်ဟာ အမျိုးသား K Pop အဖွဲ့ 7Dayz မှ အဖွဲ့ဝင်အဖြစ် ၂ဝဝ၂ ခုနှစ်က ပွဲဦးထွက်ခဲ့သူဖြစ်ပါတယ်။ အဲဒီနောက် သရုပ်ဆောင်လိုင်းဘက်ကို ကူးပြောင်းလာခဲ့ပြီး  “Flower of Evil” “Vincenzo” “Mine” “Hospital Playlist” “Inspector Koo” “Our Blues” “Why Her” အပါအဝင် နာမည်ကြီး ဒရာမာတွေမှာ သူ့ရဲ့ ကာရိုက်တာတွေနဲ့ပတ်သက်ပြီး ပရိသတ်ရဲ့အသိအမှတ်ပြု အားပေးမှုကို ရရှိထားသူဖြစ်ပါတယ်။