Pika (NSS) - စက်တင်ဘာ ၆

   (၅၇၈) ခုနှစ်တွင် စတင်တည်ထောင်ခဲ့သော ဂျပန် နိုင်ငံ၏ Kongo Gumi ဆောက်လုပ်ရေးကုမ္ပဏီသည် လက်ရှိအချိန်အထိ ဆက်လက်လည်ပတ်နေသည့် ကမ္ဘာ့သက်တမ်းအရင့်ဆုံးကုမ္ပဏီအဖြစ် အသိအမှတ်ပြုခံခဲ့ရသည်။ 

လက်ရှိအချိန်အထိ ကမ္ဘာတစ်ဝန်းတွင် ကုမ္ပဏီပေါင်းထောင် ပေါင်းများစွာကို နေ့စဉ်တည်ထောင်နေကြသော်လည်း ၎င်းတို့အနက် အများစုမှာ နှစ်အနည်းငယ် သို့မဟုတ် လအနည်းငယ်သာ လည်ပတ်ခဲ့ပြီး ဖျက်သိမ်းခဲ့ရသည်။ ထို့ပြင် ကမ္ဘာ့တန်ဖိုး အကြီးဆုံးကုမ္ပဏီများသည် ဆယ်စုနှစ်အနည်းငယ်မျှသာတည်ရှိကြပြီး နည်းပညာများတိုးတက်ပြောင်းလဲ လာမှုနှင့်အတူ နောက်ပိုင်းတွင်ဖျက်သိမ်းခဲ့ရသည့် ဖြစ်ရပ်များလည်းရှိခဲ့ဖူးသည်။ လက်ရှိအချိန်အထိ ကမ္ဘာတစ်ဝန်းတွင် နှစ်ပေါင်း(၂၀ဝ)ကျော်အထိလည် ပတ်နေသောကုမ္ပဏီများမှာ ထောင်ဂဏန်းသာရှိပြီး ကမ္ဘာ့ရှေးအကျဆုံးKongo Gumi ဆောက်လုပ်ရေး ကုမ္ပဏီနှင့်နှိုင်းယှဉ်မည်ဆိုလျှင် ၎င်းတို့မှာ အသေးအမွှားမျှသာဖြစ်သည်။ 

(၆)ရာစုတွင် ဗုဒ္ဓဘာသာဘုရား ကျောင်းတစ်ခုကိုတည်ဆောက်ရန်အတွက် စတင် တည်ထောင်ခဲ့သော Kongo Gumi ဆောက် လုပ်ရေးကုမ္ပဏီသည် လက်ရှိအချိန်အထိ နှစ်ပေါင်း (၁၄၄၆)နှစ်ကြာအောင် လည်ပတ်နေခဲ့ကြောင်းလည်း သိရသည်။ Kongo Gumi ဆောက်လုပ်ရေးကုမ္ပဏီသည် လည်ပတ်နေခဲ့သည့်ကာလတစ်လျှောက် စိန်ခေါ်မှုပေါင်းများစွာကိုရင်ဆိုင်ခဲ့ရပြီး ဒုတိယကမ္ဘာ စစ်အတွင်း ဗုဒ္ဓဘာသာဘုရားကျောင်းများတည် ဆောက်ရန်အတွက် တောင်းဆိုမှုများကျဆင်းလာသည့်အချိန်တွင် အခက်အခဲများနှင့်ကြုံတွေ့ခဲ့ရ ကြောင်းလည်းသိရသည်။ သို့သော်လည်း (၂၀ဝ၆) ခုနှစ်တွင် အိုဆာကာမြို့မှ ဆောက်လုပ်ရေးကုမ္ပဏီ တစ်ခုကKongo Gumi ဆောက်လုပ်ရေးကုမ္ပဏီ ကိုဝယ်ယူခဲ့ပြီးနောက် ကောင်းမွန်စွာ ပြန်လည်လည် ပတ်လာနိုင်ခဲ့ကြောင်းသိရသည်။

ယနေ့အချိန်တွင် Kongo Gumi  ဆောက်လုပ်ရေးကုမ္ပဏီသည် Takamats ကဆောက်လုပ်ရေးအဖွဲ့၏ လုပ်ငန်းခွဲတစ်ခုအဖြစ်လည်ပတ်နေသော်လည်း ၎င်း၏အထင်ကြီးစရာကောင်း သော သမိုင်းကြောင်းသည် ၎င်း၏မိခင်ကုမ္ပဏီနှင့် အခြားကုမ္ပဏီ ငယ်များအတွက် အတုယူစရာတစ်ခုအဖြစ် ရှိနေဆဲ ဖြစ်ကြောင်းသိရသည်။ သို့သော်လည်း Kongo မိသားစု၏ သားစဉ်မြေးဆက်များသည် ကုမ္ပဏီ၏ စီမံခန့်ခွဲမှုတွင် ပါဝင်ပတ်သက်ခဲ့ခြင်းမျိုးမရှိသည့်အပြင် လက်ရှိအချိန်တွင် ၎င်းတို့မိသားစုမှ သားစဉ် မြေးဆက်တစ်ဦးတည်းကိုသာ အလုပ်ခန့်အပ်ထား ကြောင်းသိရသည်။ ထို့ပြင် ကွန်ဂိုမျိုးနွယ်စုသည် ဂျပန်နိုင်ငံ၏လက်သမားများကြားတွင် လက်ရှိအချိန်အထိ လေးစားခံရဆဲဖြစ်ကြောင်းသိရသည်။