တက်တူးအများဆုံးနဲ့ ခန္ဓာကိုယ်ပြုပြင်ပြောင်းလဲမှုအများဆုံးဂင်းနစ်စံချိန်နှစ်ခုကိုရရှိခဲ့တဲ့ အမေရိကန်အမျိုးသမီး
Pika (NSS) - စက်တင်ဘာ ၇
အမေရိကန်နိုင်ငံ Connecticut ပြည်နယ် Bridgeport မြို့မှအမျိုးသမီးတစ်ဦးသည် ၎င်းခန္ဓာကိုယ်၏ (၉၉ ဒသမ ၉၈) ရာခိုင်နှုန်းကို တက်တူးများဖြင့်ဖုံးအုပ်ထားကာ ခန္ဓာကိုယ်ပြုပြင်ပြောင်းလဲမှု(၈၉)ကြိမ်ထိလုပ်ဆောင်ခဲ့ပြီးနောက် ကမ္ဘာ့ဂင်းနစ်စံချိန်နှစ်ခုရရှိခဲ့ကြောင်း သိရသည်။
Esperance Lumineska Fuerzina အမည်ရှိ အသက်(၃၆)နှစ်အရွယ်အမျိုးသမီးသည် ခန္ဓာကိုယ်ပေါ်တွင် တက်တူးအများဆုံးထိုးထားသူ(အမျိုးသမီး)ဂင်းနစ်စံချိန်နှင့် ခန္ဓာကိုယ်ပြုပြင်ပြောင်းလဲမှုအများဆုံးလုပ်ဆောင် ထားသူ(အမျိုးသမီး)ဂင်းနစ်စံချိန်တို့ကို ရရှိခဲ့ခြင်းဖြစ်ကြောင်းသိရသည်။ ခန္ဓာကိုယ်ပြုပြင်ပြောင်းလဲမှု အများဆုံးလုပ်ဆောင်ထားသူ (အမျိုးသမီး)စံချိန်ကို ယခင်ကိုင်ဆောင်ထားသူမှာ (၂၀၁၂) ခုနှစ်တွင် ခန္ဓာ ကိုယ် ပြုပြင်ပြောင်းလဲမှု(၄၉)ကြိမ်အထိလုပ်ဆောင်ခဲ့သော မာရီယာဂျို့စ်ခရစ္စတာနာဖြစ်ကြောင်းသိရ သည်။
သို့သော်လည်း Esperance Lumineska Fuerzina သည် ခန္ဓာကိုယ်ပြုပြင် ပြောင်းလဲမှု(၈၉) ကြိမ်အထိလုပ်ဆောင်ခဲ့ပြီးနောက် မာရီယာဂျို့စ်ခရစ္စတာနာကိုကျော်တက်ကာ ခန္ဓာကိုယ် ပြုပြင်ပြောင်းလဲမှု အများဆုံးလုပ်ဆောင်ထားသူ(အမျိုးသမီး)ဂင်းနစ် စံချိန်ကို ရယူနိုင်ခဲ့ခြင်းဖြစ်သည်။ Esperance Lumineska Fuerzinau ၎င်းသည် ပထမဆုံးတက်တူးကို လွန်ခဲ့သည့်(၁၅) နှစ်ခန့်က စတင်ထိုးခဲ့ခြင်းဖြစ်ပြီး ပထမဆုံး ခန္ဓာကိုယ်ပြုပြင်ပြောင်းလဲမှုကို လွန်ခဲ့သည့်(၁၀)နှစ်ခန့်က စတင် လုပ်ဆောင် ခဲ့ခြင်းဖြစ်ကြောင်း ပြောကြားခဲ့သည်။ ၎င်း၏ ပထမဆုံးခန္ဓာ ကိုယ်ပြုပြင်ပြောင်းလဲမှုမှာ လျှာကိုနှစ်ခွဖြစ် အောင် ခွဲခဲ့ခြင်းဖြစ်ကြောင်း Esperance Lumineska Fuerzina က ပြောကြားခဲ့သည်။
၎င်း၏ခန္ဓာကိုယ် ပြုပြင်ပြောင်းလဲမှုများထဲတွင် ခန္ဓာကိုယ်ပေါ်တွင် အ ပေါက်အများအပြားဖောက်ခြင်းအပြင် မျက်လုံးကိုပါ တက်တူးထိုးခြင်းများပါဝင်ကြောင်းလည်း သိရသည်။ သို့သော်လည်း တက်တူထိုးခြင်း၊ ခန္ဓာကိုယ် ပြုပြင် ပြောင်းလဲခြင်းတို့နှင့်ပတ်သက်သည့် ၎င်း၏ခရီးစဉ်မှာ မပြီးဆုံးသေးကြောင်း Esperance Lumineska Fuerzina က ပြောကြားခဲ့သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
မြန်မာ့ပထမဆုံး ဖွဲနုဆီစက်ရုံမှ ဆီများ လာမည့်နှစ် နှစ်ဆန်းပိုင်းတွင် စတင်ထုတ်လုပ်မည်
RELATED POSTS
14 Sep 2024 | ဗဟုသုတ,နိုင်ငံတကာ
13 Sep 2024 | ဗဟုသုတ,နိုင်ငံတကာ