ရောင်နီ (NSS) - ဇန်နဝါရီ ၂၆ 

တောင်ကိုရီးယားနိုင်ငံမှာ ကောက်ညှင်းကြော်နဲ့ဆင်တူတဲ့ ကစီဓာတ်နဲ့ပြုလုပ်ထားတဲ့ သွားကြားထိုးတံကြော်တွေ ကို မစားဖို့ တောင်ကိုရီးယား အစားအသောက်ဝန်ကြီးဌာနက ကျန်းမာရေး သတိပေးချက်ထုတ်ပြန်ခဲ့ပါတယ်။

အဆိုပါ သွားကြားထိုးတံကို ဒိန်ခဲမှုန့်လို ဟင်းခတ်အမွှေးအကြိုင်တွေနဲ့ ကြော်လှော်ပြီး စားသုံးနေကြတဲ့ ဗီဒီယိုဖိုင် တွေ TikTok ၊ Instagram မှာ Like and Share များစွာနဲ့ trend ဖြစ်နေပါတယ်။ "ဒါကို အစားအစာအဖြစ် ဘေးကင်းရဲ့လားဆိုတာတောင် အတည်မပြုရသေးဘူး" လို့ အစားအသောက်နဲ့ ‌ေ ဆေးဝါးဘေးကင်းရေး ဝန်ကြီးဌာနက လူမှုမီဒီယာပလပ်ဖောင်း X မှာ ဗုဒ္ဓဟူးနေ့ (ဇန်နဝါရီ ၂၅ ရက်) က ပို့စ်တစ်ခုမှာ ပြောကြားခဲ့ပါတယ်။

သွားကြားထိုးတံတွေဟာ ကန်စွန်းဥ (သို့မဟုတ်) ပြောင်းဖူးမှ ကစီဓာတ်နဲ့ အရောင်ဆိုးဆေး အနည်းငယ် သုံးကာ ထုတ်လုပ်ထားခြင်းဖြစ်ပါတယ်။ တောင်ကိုရီးယားရှိ စားသောက်ဆိုင်တွေမှာ အသုံးပြုလေ့ရှိပါတယ်။       

အဆိုပါ သွားကြားထိုးတံတွေကို ကြော်လှော်စားသောက်ပြခြင်းကတော့ အစားအသောက်ပမာဏ အလွန်အကျွံစား သူများ (သို့မဟုတ်) ပုံမှန်မဟုတ်တဲ့ဟင်းလျာတွေကို မကြာခဏ စားသောက်ပြလေ့ရှိတဲ့ "Mukbang" (ခေါ်) အစားအသောက် blogger တွေက စားသောက်ပြခဲ့ခြင်းဖြစ်ပါတယ်။