Pika (NSS) - ဇန်နဝါရီ ၁၉

Sporting CP အသင်းသည် တိုက်စစ်မှူး Viktor Gyokeres အပြောင်းအရွှေ့အတွက် ယူရိုသန်း(၁ဝဝ) လိုချင်နေသောကြောင့် ချဲလ်ဆီးအသင်းက ပြင်ဆင်ထားသော ကမ်းလှမ်းမှု ယူရို(၈၅) သန်းမှာ Viktor Gyokeres ကိုခေါ်ယူရန် မလုံလောက်ကြောင်း သိရသည်။

Viktor Gyokeres သည် လက်ရှိရာသီတွင် ခြေစွမ်းပြကစားနေပြီး ပြိုင်ပွဲစုံ(၂၄)ပွဲ ကစားထားကာ ဂိုး(၂ဝ) သွင်းယူ ထားပြီး ဂိုးဖန်တီးမှု (၁ဝ)ကြိမ် ပြုလုပ်ထားကြောင်းလည်း သိရသည်။ ချဲလ်ဆီးအသင်းသည် Viktor Gyokeres ကို ခေါ်ယူရန်အတွက် ယူရို(၈၅)သန်း ကမ်းလှမ်းရန် အဆင်သင့်ဖြစ်နေသော်လည်း Sporting CP အသင်းသည် အနည်းဆုံး ယူရိုသန်း(၁ဝဝ)ရရှိမှသာ ၎င်းကိုအသင်းမှ ထွက်ခွာခွင့်ပြုနိုင်ဖွယ်ရှိနေကြောင်း သိရသည်။

Sporting CP အသင်းနည်းပြ Ruben Amorim က "ချဲလ်ဆီးအသင်းဟာ  Viktor Gyokeres ကို ခေါ်ယူဖို့အတွက် ယူရို(၈၅)သန်း ကမ်းလှမ်းမယ်လို့ ကျွန်တော် သတင်းရရှိခဲ့ပါတယ်။ ဒါပေမယ့် အဲဒါက လုံလောက်မှာ မဟုတ်ပါဘူး။ Viktor Gyokeres အပြောင်းအရွှေ့က အနည်းဆုံး ယူရိုသန်း(၁ဝဝ)ကမ်းလှမ်းမှ ဖြစ်လာမှာပါ။ ဒီနွေရာသီမှာ ကမ်းလှမ်းမှုတွေရှိလာမယ်ဆိုတာ ကျွန်တော်ယုံကြည်ပါတယ်။ ကျွန်တော်တို့ ကစားသမားတွေကို ရောင်းချရမယ် ဆိုတာသိပေမယ့် ဒီအချိန်မှာဆိုရင်တော့ စာချုပ်ပါထွက်ခွာခွင့်အတိုင်းပဲ လုပ်ဆောင်သွားမှာပါ။ အသင်းအာလုံး အတွက် သန်း(၁ဝဝ)ဆိုတာ စဉ်းစားစရာဖြစ်နေမှာပါ။ နောက်ထပ်ကမ်းလှမ်းမှုတွေ ရှိ/မရှိ ဆိုတာကတော့ ကျွန်တော် မသေချာပါဘူး။ ဒါပေမယ့် ယူရို(၈၅)သန်းကတော့ ကျွန်တော်တို့မျှော်လင့်ထားတဲ့ ကမ်းလှမ်းမှုနဲ့ ဝေးကွာပါတယ်" ဟု ပြောခဲ့သည်။