ရောင်နီ (NSS) - ဇန်နဝါရီ ၁၄ 

ပီရူးနိုင်မှာ ထူးထူးခြားခြား တူးဖော်တွေ့ရှိတဲ့ ဂြိုလ်သားမံမီ စုံတွဲတစ်တွဲရဲ့ ရုပ်အလောင်းလို့အများက ယူဆထားတဲ့ တွေ့ရှိချက်ဟာ တိရစ္ဆာန်အရိုးတွေနဲ့ ပြုလုပ်ထားတဲ့ အရုပ်တွေသာဖြစ်တယ်လို့ သိပ္ပံပညာရှင်တွေက ဆိုထားပါတယ်။ 

ဒီအကြောင်းကို ဇန်နဝါရီလ ၁၂ ရက်က သိပ္ပံပညာရှင်တွေရဲ့ ထုတ်ဖော်‌ပြောဆိုချက်အရ သိရခြင်းဖြစ်ပါတယ်။ လီမာမှာ ဇန်နဝါရီလ ၁၂ ရက်က ပြုလုပ်တဲ့ သတင်းစာရှင်းလင်းပွဲမှာ ကျွမ်းကျင်သူတွေက အဆိုပါရုပ်အလောင်းကို ခွဲခြမ်းစိတ်ဖြာစစ်ဆေးခဲ့ရာမှာ ဂြိုဟ်သားပုံစံနဲ့ ကိုက်ညီမှု မရှိကြောင်း နဲ့ တိရစ္ဆာန်အရိုးတွေနဲ့ပြုလုပ်ထားတဲ့ အရုပ်တွေသာ ဖြစ်တယ်လို့ အခိုင်အမာ ဆိုခဲ့ကြပါတယ်။ 

Andean ရိုးရာဝတ်စုံကို ၀တ်ဆင်ထားတဲ့၊ ခြောက်သွေ့တဲ့ ပုံစံရှိတဲ့ အဆိုပါ အရုပ် (၂) ရုပ်ကို အချို့သောမီဒီယာတွေက ဂြိုလ်သားရုပ်ကြွင်းတွေဖြစ်မယ်လို့ ခန့်မှန်းခဲ့ကြတာ ဖြစ်ပါတယ်။

မက္ကဆီကို သတင်းထောက်နဲ့ UFO ဝါသနာရှင် ဂျင်းမူဆန်ကတော့ အဆိုပါ အရုပ်ဟာ နှစ်ပေါင်း ၁၀၀၀ သက်တမ်းရှိပြီလို့ ယူဆထားပါတယ်။