ရော်နယ်အရိုဟိုအတွက် ဘိုင်ယန်မြူးနစ်အသင်းထံမှ ယူရိုသန်း(၁ဝဝ)ကမ်းလှမ်းမှုကို မျှော်လင့်နေတဲ့ ဘာစီလိုနာ
Pika (NSS) - ဇန်နဝါရီ ၁၂
ဘာစီလိုနာအသင်း အားကစားဒါရိုက်တာဒေကိုသည် ၎င်းတို့အသင်း၏ နောက်ခံလူ ရော်နယ်အရိုဟိုအတွက် ဘိုင်ယန်မြူးနစ်အသင်းထံမှ ကမ်းလှမ်းမှုများကို မျှော်လင့်နေကြောင်းလည်း သိရသည်။
ဘိုင်ယန်မြူးနစ်အသင်းသည် ဘာစီလိုနာအသင်းအတွက် အရေးပါသော ရော်နယ်အရိုဟိုကို ခေါ်ယူရန် ယခင်တည်းက စိတ်ဝင်စားနေခဲ့ခြင်းဖြစ်ကြောင်း သတင်းများလည်း ထွက်ပေါ်လျက်ရှိသည်။ ရော်နယ်အရိုဟိုသည် အပြောင်းအရွှေ့များကို ငြင်းဆိုထားသော်လည်း ဘာစီလိုနာအသင်းသည် ၎င်းကို လက်ရှိနွေရာသီအပြောင်းအရွှေ့ ကာလတွင် ယူရိုသန်း(၁ဝဝ) ဖြင့် ရောင်းချရန်ပြင်ဆင်နေကြောင်း သတင်းများလည်း ထွက်ပေါ်နေသည်။
"အပြောင်းအရွှေ့ကာလတိုင်းမှာ ဒီလိုကောလဟာလတွေကတော့ အမြဲရှိနေပါတယ်။ ဒါကပုံမှန်ပါပဲ။ ကျွန်တော် ပြောနိုင်တဲ့တစ်ခုတည်းသောအရာကတော့ ဘာစီလိုနာအသင်းအတွက် အကောင်းဆုံးကစားပေးနိုင်ဖို့ အာရုံစိုက်နေတယ်ဆိုတာပါပဲ။ ဒီအသင်းမှာ ကစားရတာကို ကျွန်တော်တကယ်ပျော်ပါတယ်။ ပြီးတော့ ဒီအသင်းအတွက် အမြဲတမ်းအကောင်းဆုံးကစားပေးနိုင်ဖို့လည်း ကျွန်တော်ကြိုးစားနေပါတယ်။ အပြောင်းအရွှေ့ဈေးကွက်တိုင်းမှာ ကောလဟာလတွေကတော့ ထွက်စမြဲပါပဲ။ ဒီနွေရာသီမှာ မန်ယူအသင်းနဲ့ပြောဆိုမှုတွေရှိခဲ့ပေမယ့်လည်း ဘာစီလိုနာအသင်းအတွက်ပဲ ကျွန်တော်အာရုံစိုက်နေပါတယ်။ ဒီအသင်းအတွက် အမြဲတမ်း(၁ဝဝ) ရာခိုင်နှုန်း အပြည့်ပေးသွားနိုင်ဖို့ ကျွန်တော်ကြိုးစားသွားမှာပါ" ဟု ပြောခဲ့သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
အမေရိကန် နှင့် ဗြိတိန်တို့က ယီမင်ရှိဟူသီလက်နက်ကိုင်အဖွဲ့နှင့်ဆက်နွယ်သောပစ်မှတ်များကို ပထမဆုံးအကြိမ် တိုက်ခိုက်မှုပြုလုပ်
RELATED POSTS
08 Nov 2024 | အားကစား,ပြည်တွင်း
