ယွန်း (NSS) - ဇန်နဝါရီ ၁၁

မင်္ဂလာဒုံမြို့နယ်ရှိ စက်မှုဇုန်အချို့တွင် မနက်ဖြန်(ဇန်နဝါရီလ ၁၂ ရက်)၌ ယာယီဓာတ်အားပြတ်တောက်မည်ဖြစ်ကြောင်း ရန်ကုန်လျှပ်စစ်ဓာတ်အားပေးရေး ကော်ပိုရေးရှင်းက အသိပေးထုတ်ပြန်ထားသည်။

ရန်ကုန်လျှပ်စစ်ဓာတ်အားပေးရေးကော်ပိုရေးရှင်း(YESC) က ယနေ့(ဇန်နဝါရီလ ၁၁ ရက်)တွင် အထက်ပါကဲ့သို့ ထုတ်ပြန်ထားခြင်းဖြစ်သည်။

230kV အရှေ့ဒဂုံ-လှော်ကားဓာတ်အားလိုင်း တည်ဆောက်ခြင်းလုပ်ငန်းတွင် Mono Pole Tower တိုင်ထောင်ခြင်းလုပ်ငန်းများ  ဆောင်ရွက်မည်ဖြစ်သည့်အတွက် အဆိုပါဓာတ်အားလိုင်းနှင့် မလွတ်ကင်းသည့် 33kV လှော်ကား- ပုလဲ(၁)၊ (၂) လိုင်းအား နံနက်(၉)နာရီ မှ နေ့လည်(၁)နာရီအထိ ဓာတ်အားပိတ်၍ လုပ်ငန်းများဆောင်ရွက်မည်ဖြစ်ကြောင်း  သိရသည်။

ထို့ကြောင့် အဆိုပါလုပ်ငန်းစဥ်ဆောင်ရွက်နေစဥ်အတွင်း ထောက်ကြန့်မြို့နယ်၏ ရပ်ကွက်နေရာအချို့ နှင့် မင်္ဂလာဒုံမြို့နယ်၏ စက်မှုဇုန်အချို့တွင် ယာယီဓာတ်အားပြတ်တောက်နိုင်ကြောင်း YESC ကထုတ်ပြန်ထားသည်။

ထိုသို့ဆောင်ရွက်ရာတွင် ဓာတ်အားပြတ်တောက်ချိန် ကြာမြင့်မှုမရှိစေရေး၊ ဓာတ်အားပြတ်တောက်သည့် ဧရိယာလျော့နည်းစေရေးကိုလည်း အလေးထားသွားမည်ဖြစ်ကြောင်း သိရသည်။