Pika (NSS) - ဇန်နဝါရီ ၈ 

ချဲလ်ဆီးအသင်းနောက်တန်းကစားသမား အီယန်မက်ဆန်သည် ချဲလ်ဆီးအသင်းမှထွက်ကာ ဒေါ့မွန်အသင်းသို့ အငှားစာချုပ်ဖြင့် သွားရောက်ကစားရန် နီးစပ်နေပြီဖြစ်ကြောင်း သိရသည်။

အီယန်မက်ဆန်သည် နည်းပြပိုချက်တီနို၏ ချဲလ်ဆီးအသင်းတွင် ၎င်း၏နေရာကို ဆုံးရှုံးခဲ့ရပြီးနောက် ဒေါ့မွန် အသင်းသို့ အငှားစာချုပ်ဖြင့် သွားရောက်ကစားနိုင်ဖွယ်ရှိနေကြောင်း Sky Sports ၏ ဖော်ပြချက်အရ သိရသည်။

အဆိုပါအပြောင်းအရွှေ့အတွက် သဘောတူညီမှုများ မရရှိသေးသော်လည်း အီယန်မက်ဆန်သည် ယခုဇန်နဝါရီလ အပြောင်းအရွှေ့ကာလတွင် ဒေါ့မွန်အသင်းသို့ ပြောင်းရွှေ့သွားနိုင်ဖွယ်ရှိနေကြောင်း Sky Sports ၏ ဖော်ပြချက်အရ သိရသည်။

ဒေါ့မွန်အသင်းသည် လက်ရှိအချိန်တွင် ဘွန်ဒက်စ်လီဂါလိဂ်တွင် အမှတ်ပေးဇယား အဆင့်(၅)နေရာမှာ ရပ်တည်နေ ပြီး ချန်ပီယံလိဂ်တွင် နယူးကာဆယ်၊ပီအက်စ်ဂျီ၊အေစီမီလန်အသင်းတို့နှင့်အတူ အုပ်စု F တွင် ကစားနေရကြောင်း လည်း သိရသည်။ 

ဒေါ့မွန်အသင်းသည် ရာသီနှစ်ဝက်တွင် ပိုမိုကောင်းမွန်သော အသင်းတစ်သင်းကို တည်ဆောက်ရန်အတွက် ကစားသမားအသစ်များခေါ်ယူရန် ကြိုးပမ်းနေခြင်းဖြစ်ကြောင်းလည်း သိရသည်။