ရောင်နီ (NSS) - ဒီဇင်ဘာ ၂၄

ဖိလစ်ပိုင်သရုပ်ဆောင်စုံတွဲဖြစ်တဲ့ ကင်ချူနဲ့ ရှန်းလင်တို့စုံတွဲဟာ (၁၂) နှစ်တာကြာ လက်တွဲခဲ့ပြီးနောက် လမ်းခွဲခဲ့ ကြပြီဖြစ်တယ်လို့ သိရပါတယ်။ 

ဒီအကြောင်းကို ဒီဇင်ဘာ ၂၃ ရက်က ၎င်းတို့ရဲ့အင်စတာဂရန်အကောင့်မှာ အသီးသီးဖော်ပြပြီး ပရိသတ်တွေကို အသိပေးလာခဲ့တာဖြစ်ပါတယ်။ "အချစ်ရေးမှာ အချစ်ဆိုတာ အမြဲတမ်း အရေးကြီးတဲ့အချက်တစ်ခုဖြစ်ပေမယ့် တစ်ခါတရံ အချစ်နဲ့ မလုံလောက်ဘူး” “ကျွန်မတို့ ဆယ်စုနှစ်တစ်ခုကျော်ကြာ ချစ်ခြင်းမေတ္တာ၊ တစ်ယောက်နဲ့ တစ်ယောက် အပြန်အလှန် ပံ့ပိုးကူညီရင်းနဲ့ အမှတ်တရများစွာကို မျှဝေခဲ့ပါတယ်။ အခုတော့ ဆက်ဆံရေးကို တစ်သက်တာ ရင်းနှီးသူ မိတ်ဆွေတွေ အဖြစ်ပြောင်းလဲဖို့ ဆုံးဖြတ်ခဲ့ပါတယ်" လို့ သူမရဲ့စာလွှာမှာ ရေးသားဖော်ပြခဲ့ ပါတယ်။ 

ဒါ့အပြင် ကင်က ရှန်ကို ကျေးဇူးတင်ကြောင်းပြောပြီး "အချစ်က ဘာလဲဆိုတာ ပြသပေးလို့ ကျေးဇူးတင်ပါတယ်" လို့ ထပ်လောင်းပြောကြားခဲ့ပါတယ်။ 

ကင် က လမ်းခွဲကြောင်းအသိပေးစာ တင်ခဲ့ပြီးနောက် ရှန်းကလည်း "တစ်ယောက်ကိုတစ်ယောက် နှစ်အတော်ကြာ ချစ်ခဲ့ကြတဲ့အတွက် ကျေးဇူးတင်ပါတယ်” လို့ ရေးသားခဲ့ပြီး "သူ့ဘဝရဲ့ ၁၂ နှစ်တာဖြတ်သန်းမှုအတွင်း သူတောင်း သမျှထဲက ကင်ဟာ အကောင်းဆုံးလက်ဆောင်ဖြစ်တယ်” လို့ ပြောခဲ့ပါတယ်။  

ဒီသတင်းဟာ သူတို့ရဲ့ပရိသတ်တွေအတွက် ဝမ်းနည်းစရာဖြစ်ခဲ့ရပါတယ်။ ၎င်းတို့စုံတွဲဟာ နိုဘာလကတည်းက လမ်းခွဲလိုက်တယ်ဆိုတဲ့ကောလဟာလတွေ ပျံ့နှံ့ခဲ့တာဖြစ်ပါတယ်။