ရောင်နီ (NSS) - ဒီဇင်ဘာ ၂၄

အမေရိကန်နိုင်ငံ အလာဘားမားမှာ မွေးရာပါ ပုံမှန်မဟုတ်ဘဲ ရှားရှားပါးပါး သားအိမ်၂ ထပ်နဲ့ အမျိုးသမီးတစ်ဦးဟာ ယခုသီတင်းပတ်အစောပိုင်းက ကျန်းမာတဲ့ အမြွှာမိန်းကလေးကို မွေးဖွားခဲ့ပါတယ်။ 

သားအိမ်၂ ခုနဲ့မိန်းကလေး ကယ်လ်စလေ ဟက်ချာ နဲ့ ခင်ပွန်း ကလက်ဘ်တို့ဟာ အင်္ဂါနေ့( ဒီဇင်ဘာ ၁၉ ရက်) ညက ရိုဆီလေလာနဲ့  ရီဘယ်လက်ကန်ဆိုတဲ့ အမွှာသမီး ၂ ယောက်ကို မွေးဖွားခဲ့ပါတယ်။ ဒီသတင်းကို ဗုဒ္ဓဟူးနေ့ (ဒီဇင်ဘာ ၂ဝ ရက်) နံနက်က Birmingham ဆေးရုံ (UAB) ရှိ University of Alabama မှ  ဆိုရှယ်မီဒီယာပေါ်မှာ ကြော်ငြာခဲ့ခြင်းဖြစ်ပါတယ်။ မိခင်ဖြစ်တဲ့ ဟက်ချာမှာ ရှားရှားပါးပါး သားအိမ်နှစ်ထပ်ရှိပြီး တစ်ခုစီမှာ ကိုယ်ဝန်ရခဲ့ တာဖြစ်ပါတယ်။ ဒါဟာ တစ်သန်းမှာ တစ်ယောက်ဖြစ်နိုင်ချေနည်းတဲ့ ကိုယ်ဝန်ဖြစ်ပါတယ်။ မွေးဖွားရာမှာလည်း အန္တရာယ်များတာကြောင့်  ဆရာဝန်တွေက နာရီပေါင်း ၂ဝ လုံးလုံး ကြိုးစားခဲ့ရတယ်လို့ သိရပါတယ်။ 

ပထမကလေးကို ရိုးရိုးမွေးလမ်းကြောင်းမှ မွေးဖွားခဲ့ပြီး ဒုတိယမြောက်ကလေးကို ဗိုက်ခွဲမွေးခဲ့တယ်လို့ သိရပါတယ်။