NSS - ဒီဇင်ဘာ ၂၃

ပဲခူးတိုင်း၊ ဖြူးမြို့နယ်၌ အိပ်ပျော်နေသည့် မူလတန်းပြဆရာမနှင့် အစ်မဖြစ်သူတို့ကို PDFအဖွဲ့က နေအိမ်ပေါ်တက်ကာ သေနတ်ဖြင့် ဝင်ရောက်ပစ်ခတ်ခဲ့ကြောင်း ရဲတပ်ဖွဲ့က သတင်းထုတ်ပြန်ထားသည်။

ဖြစ်စဉ်မှာ ပြီးခဲ့သော (ဒီဇင်ဘာ ၂၀ရက်)၊ နံနက် ၅နာရီအချိန်တွင် ဖြူးမြို့နယ်၊ အကြပ်အင်းကျေးရွာတွင် အထက်ပါကဲ့သို့ လုပ်ကြံပစ်ခတ်ခံခဲ့ရခြင်းဖြစ်ကြောင်း သိရသည်။

အကြပ်အင်းအခြေခံပညာအထက်တန်းကျောင်းမှ မူလတန်းပြဆရာမဖြစ်သူ ဒေါ်စန်းစန်းဝင်း(၅၂)နှစ်နှင့် ၎င်း၏ အစ်မဖြစ်သူ ဒေါ်ဌေးမြင့် (၆၇)နှစ်တို့သည့် နေအိမ်၌ အိပ်ပျော်နေစဉ်အချိန် PDFအဖွဲ့ဝင်(၅)ဦးက ရောက်ရှိလာကာ သေနတ်ဖြင့် ပစ်ခတ်သွားခဲ့ကြောင်း ရဲတပ်ဖွဲ့က ဆိုသည်။

ထိုသို့ ပစ်ခတ်ခံရမှုကြောင့် ဒေါ်စန်းစန်းဝင်းနှင့် ဒေါ်ဌေးမြင့်တို့(၂)ဦးတွင် ကျည်ထိမှန်ဒဏ်ရာများရရှိခဲ့သဖြင့် ဖြူးမြို့နယ်ပြည်သူ့ဆေးရုံ၌ ဆေးကုသမှု ခံယူနေရလျက်ရှိကြောင်း သိရသည်။

လက်ရှိတွင် လုပ်ကြံပစ်ခတ်မှုကျူးလွန်သူများအား ဖော်ထုတ်ဖမ်းဆီး၍ ဥပဒေနှင့်အညီအပြစ်ပေးအရေးယူနိုင်ရေး လုံခြုံရေးတပ်ဖွဲ့ဝင်များက စုံစမ်းစစ်ဆေးမှုများပြုလုပ်လျက်ရှိကြောင်း ရဲတပ်ဖွဲ့က ထုတ်ပြန်ထားသည်။

နစကအစိုးရ အာဏာရယူခဲ့သည့် ၂၀၂၁ခုနှစ် ဖောဖော်ဝါရီလမှ စတင်ကာ လက်ရှိအချိန်ထိ နိုင်ငံအတွင်း ပညာရေးဝန်းထမ်း (၉၀)နီးပါးကို PDFအဖွဲ့က သတ်ဖြတ်ခဲ့ကြောင်း နစကဘက်က သတင်းထုတ်ပြန်ထားသည်။