ရောင်နီ (NSS) - ဒီဇင်ဘာ ၁၂

Dr.Stranger ကြယ်ပွင့် တောင်ကိုရီးယားသရုပ်ဆောင် ကန်ဆိုရာ ဟာ သူမရဲ့ဒုတိယမြောက်ရင်သွေးလေး မွေးဖွားခဲ့ပြီဆိုတာ ပရိသတ်ကို အသိပေးလာခဲ့ပါတယ်။   

ဒီသတင်းကို ဒီဇင်ဘာလ ၁၁ ရက်က ကန်ဆိုရာရဲ့ အေဂျင်စီ PLUM A&C မှ အတည်ပြုခဲ့တာဖြစ်ပြီး၊ သမီးမိန်းကလေး မွေးဖွားခဲ့ခြင်းဖြစ်တယ်လို့ သိရပါတယ်။ 

ဒါ့အပြင် မိခင်ရော၊ ကလေးပါ ကျန်းမာရေးကောင်းမွန်ပြီး မိသားစုရဲ့စောင့်ရှောက်မှုအောက် ကျန်းမာရေးအခြေအနေ တည်ငြိမ်နေတယ်လို့ သိရပါတယ်။ 

သူမဟာ ၂၀၂၀  ​ပြည့်နှစ်က အနုပညာအသိုင်းအဝိုင်းမဟုတ်တဲ့ ခင်ပွန်းနဲ့ လက်ထပ်ထိမ်းမြားခဲ့ပြီး သားဦးလေးကို မွေးဖွားခဲ့ပါတယ်။ 

၂ဝ၂၃ ခုနှစ် အောက်တိုဘာလ အစောပိုင်းမှာတော့ သူမရဲ့အေဂျင်စီက သူမရဲ့ကိုယ်ဝန်ဓာတ်ပုံတွေနဲ့အတူ ဒုတိယမြောက်ကိုယ်ဝန်ကို အတည်ပြုခဲ့ပါတယ်။     

ကန်ဆိုရာဟာ ပြီးခဲ့တဲ့လပိုင်းက ထွက်ရှိတဲ့ "Strangers Again" ဇာတ်လမ်းတွဲမှာ နောက်ဆုံးပါဝင်သရုပ်ဆောင်ထားပါတယ်။