Pika (NSS) - ဒီဇင်ဘာ ၇ 

မန်ယူအသင်းကို (၂)ဂိုး-(၁)ဂိုးဖြင့် ရှုံးနိမ့်ခဲ့သည့် ဒီဇင်ဘာလ(၆)ရက်က ကစားခဲ့သော ပရီးမီးယားလိဂ်ပွဲစဉ်တွင် ချဲလ်ဆီးအသင်းကစားသမားများ၏ စွမ်းဆောင်ရည်များကို စိတ်ပျက်ခြင်းမျိုးမရှိခဲ့ကြောင်း ချဲလ်ဆီးနည်းပြ ပိုချက်တီနိုက ထုတ်ဖော်ပြောခဲ့သည်။

ပိုချက်တီနိုက "ချဲလ်ဆီးအသင်းကစားသမားတွေဟာ အကောင်းဆုံးပေးဆပ်ပြီး ကစားခဲ့ကြပါတယ်။ သူတို့ဟာ ဂိုးသရေကျဖို့ အတတ်နိုင်ဆုံး ကြိုးစားခဲ့ပေမယ့်လည်း အိမ်ရှင်အသင်းရဲ့ခြေစွမ်းတွေကိုတော့ မယှဉ်ပြိုင်နိုင်ခဲ့ပါဘူး။ ပြီးခဲ့တဲ့ရက်ပိုင်းတုန်းက ကျွန်တော်တို့ရဲ့ကောင်းမွန်တဲ့ခြေစွမ်းနဲ့ ကစားနိုင်စွမ်းတွေအကြောင်းကို ပြောဖြစ်ခဲ့ပါ တယ်။ ဒီနေ့မှာတော့ ကျွန်တော်တို့လိုချင်တဲ့အရာကို မရရှိခဲ့ပါဘူး။ ကျွန်တော်တို့ပြောခဲ့သလိုပဲ ပြောင်းလဲနိုင်တာ မျိုးတွေ မရှိခဲ့ပါဘူး။ ကျွန်တော့်အသင်းကစားသမားတွေကို စိတ်မပျက်ပါဘူး။ ဘာလို့လဲဆိုတော့ သူတို့ အကောင်းဆုံးကြိုးစားပေးခဲ့ပါတယ်။ အိမ်ရှင်အသင်းကို ကျွန်တော်တို့ မယှဉ်ပြိုင်နိုင်ခဲ့ပါဘူး။ သူတို့က ကျွန်တော် တို့ထက် ပိုကောင်းခဲ့ပါတယ်။ ကျွန်တော်တို့ အကောင်းဆုံးယှဉ်ပြိုင်ပြီး အခွင့်အရေးတွေ ဖန်တီးနိုင်ခဲ့ပါတယ်။ ဒါပေမယ့် ကျွန်တော်တို့ (၂)ဂိုး-(၁)ဂိုး ဆိုတဲ့ရလဒ်နဲ့ အဆုံးသတ်ခဲ့ပါတယ်။ လာမည့်ပွဲစဉ်အတွက် ကျွန်တော်တို့ အကောင်းဆုံးပြင်ဆင်ထားရမယ်လို့ ကျွန်တော်ထင်ပါတယ်" ဟု ပြောခဲ့သည်။

ချဲလ်ဆီးအသင်းသည် လက်ရှိအချိန်အထိ ပရီးမီးယားလိဂ်ပွဲပေါင်း(၁၅)ပွဲကစားထားပြီး ရမှတ်(၁၉)မှတ်ဖြင့် အမှတ်ပေးဇယားတွင် အဆင့်(၁ဝ) မှာ ရပ်တည်နေကြောင်းလည်း သိရသည်။