ဂျန်ဇက် (NSS) - ဒီဇင်ဘာ ၃ 

ဆော်ဒီအာရေဗျကလပ်  Al-Nassr အသင်းဟာ ဒီဇင်ဘာ ၂ ရက်က ကစားခဲ့တဲ့ ဆော်ဒီအာရေဗျ ပြည်တွင်းလိဂ်ပြိုင်ပွဲ ဒါဘီပွဲစဉ်မှာ Al-Hilal အသင်းကို ၃ ဂိုးပြတ်နဲ့ ရှုံးနိမ်ခဲ့ပြီးနောက် ကမ္ဘာကျော်တိုက်စစ်မှူး စီရော်နယ်ဒိုဟာ အော်ဟစ်လှောင်ပြောင်ခံရမှုတွေနဲ့ ရင်ဆိုင်ခဲ့ရကြောင်း သိရပါတယ်။

စီရော်နယ်ဒိုရဲ့ကလပ်အသင်းဖြစ်တဲ့   Al-Nassr အသင်းရဲ့ပရိသတ်တွေဟာ ရှုံးနိမ့်မှုကို စိတ်ဆိုးဒေါသဖြစ်ကာ စီရော်နယ်ဒိုကို ကွင်းအတွင်းက ထွက်ခွာချိန်မှာ အော်ဟစ်လှောင်ပြောင်ခဲ့တာဖြစ်ပါတယ်။  

Al-Nassr အသင်းရဲ့ပရိသတ်တွေဟာ စီရော်နယ်ဒိုကွင်းထဲက ထွက်လာချိန်အတွင်း မက်ဆီ ဆိုတဲ့နာမည်ကို အော်ဟစ်ကြွေးကြော်ခဲ့ပြီး၊ စီရော်နယ်ဒိုအစား မက်ဆီကို ခေါ်ယူဖို့ တောင်းဆိုခဲ့ခြင်းဖြစ်ကြောင်း သတင်းတွေလည်း ထွက်ပေါ်နေပါတယ်။

စီရော်နယ်ဒိုဟာ ဆော်ဒီအာရေဗျလိဂ်ကိုပြောင်းရွှေ့ကစားချိန်အတွင်း အကောင်းဆုံးခြေစွမ်းပြကစားနိုင်ခဲ့ပြီး နောက်ဆုံး ၁၄ ပွဲမှာ ၁၅ ဂိုး သွင်းယူနိုင်ခဲ့ကာ အသင်းကို အမှတ်ပေးဇယား ဒုတိယနေရာမှာ ရပ်တည်နိုင်ဖို့ ကူညီပေးခဲ့ပါတယ်။

စီရော်နယ်ဒိုဟာ ဆော်ဒီအာရေဗျလိဂ်မှာ အအောင်မြင်ဆုံးအသင်းဖြစ်တဲ့ Al-Hilal အသင်းနဲ့ ပွဲစဉ်မှာခြေစွမ်းပြ ဂိုးသွင်းနိုင်ဖို့ ကြိုးပမ်းခဲ့ပေမယ့် ဂိုးသွင်းယူနိုင်ခြင်းမရှိခဲ့ပါဘူး။ 

Al-Nassr အသင်းနည်းပြလူးဝစ်ကက်စထရိုက "စီရော်နယ်ဒိုဟာ လူတိုင်းအတွက် စံနမူနာယူရတဲ့ကစားပါ။ အသင်း မှာ စီရော်နယ်ဒို ရှိနေတာက အသင်းအတွက် စံနမူကောင်းတွေ ရှိနေခဲ့ပါတယ်။ စီရော်နယ်ဒိုဟာ ရည်မှန်းချက်နဲ့ စည်းကမ်းပိုင်းကောင်းမွန်တဲ့သူဖြစ်ပြီး အသင်းဖော်တွေအတွက် နမူနာယူရသူပါ။ စီရော်နယ်ဒိုနဲ့အတူ တွဲကစားလို တဲ့ကစားသမားတွေ အများအပြားရှိပါတယ်။ စီရော်နယ်ဒိုဟာ အသင်းအတွက် သူတတ်စွမ်းသမျှ အရာရာတိုင်း ပေးနိုင်စွမ်းရှိသူပါ" လို့ ပြောပါတယ်။