စော (NSS)- ဒီဇင်ဘာ ၃

ဝန်ကြီးဌာနနှင့် အဖွဲ့အစည်း (၂၂)ခု၌ လစ်လပ်နေသော ရာထူးနေရာ (၄၇၂)နေရာ အတွက် အလုပ်လျှောက်လွှာများ ခေါ်ယူနေကြောင်း သိရသည်။

ပြည်ထောင်စုရာထူးဝန်အဖွဲ့က ယခုရက်ပိုင်းအတွင်းတွင် အထက်ပါအသိပေးကြေညာထားခြင်းဖြစ်သည်။

ဝန်ကြီးဌာန (၁၉)ခုအတွက်  ရာထူးနေရာ (၄၄၇)နေရာ ခန့်အပ်သွားမည်ဖြစ်ပြီး မြန်မာနိုင်ငံတော်ဗဟိုဘဏ်နှင့် အဂတိလိုက်စားမှုတိုက်ဖျက်ရေးကော်မရှင်တို့အတွက် ရာထူးနေရာ (၅)နေရာ ခန့်အပ်သွားမည်ဖြစ်ကြောင်း သိရ သည်။

အလားတူ နိုင်ငံခြားရေးဝန်ကြီးဌာန၌ ဌာနစုမှူး(၂)/တတိယအတွင်းဝန် ရာထူးအတွက် (၂ဝ)ဦးကိုလည်း ခန့်အပ် သွားမည်ဖြစ်ကြောင်း သိရသည်။

သို့သော် နိုင်ငံခြားရေးဝန်ကြီးဌာနသို့ အလုပ်လျှောက်ထားသူများသည် ကျန် ဝန်ကြီးဌာန (၁၉)ခု အပါအဝင် မြန်မာနိုင်ငံတော်ဗဟိုဘဏ်နှင့် အဂတိလိုက်စားမှုတိုက်ဖျက်ရေးကော်မရှင်တို့တွင် ထပ်မံလျှောက်ထားခွင့်မရှိကြောင်း သိရသည်။

အလားတူ ဝန်ကြီးဌာန (၁၉)ခု အပါအဝင် မြန်မာနိုင်ငံတော်ဗဟိုဘဏ်နှင့် အဂတိလိုက်စားမှုတိုက်ဖျက်ရေးကော်မရှင်သို့ အလုပ်လျှောက်ထားသူများသည်လည်း နိုင်ငံခြားရေးဝန်ကြီးဌာနတွင် ထပ်မံလျှောက်ထားခွင့်မရှိကြောင်း အသိပေးထုတ်ပြန်ထားသည်။

လျှောက်ထားသူများသည် ရေးဖြေစာမေးပွဲများကို ၂ဝ၂၄ ခုနှစ်၊ ဖေဖော်ဝါရီလ (၁ဝ)ရက် နှင့် (၁၁)ရက်များတွင် ဖြေဆိုရမည်ဖြစ်သည်။

အဆိုပါရာထူးနေရာများအတွက် အလုပ်လျှောက်လွှာများကို Online စနစ်တစ်ခုဖြင့်သာ  ဒီဇင်ဘာလကုန် နောက်ဆုံးထား၍ လျှောက်ထားရမည်ဖြစ်ကြောင်း ပြည်ထောင်စုရာထူးဝန်အဖွဲ့က ထုတ်ပြန်ထားသည်။