စော (NSS) - ဒီဇင်ဘာ ၁

မြန်မာနိုင်ငံရေကြောင်းပညာတက္ကသိုလ်ရှိ မြန်မာစာ၊ အင်ဂျင်နီယာသင်္ချာ၊ ကွန်ပျူတာ၊ သိပ္ပံနှင့် စာကြည့်တိုက်ဌာနတို့တွင် တာဝန်ထမ်းဆောင်ရန် ဝန်ထမ်းများခေါ်ယူနေကြောင်း သိရသည်။

ပို့ဆောင်ရေးနှင့်ဆက်သွယ်ရေးဝန်ကြီးဌာန၊ မြန်မာနိုင်ငံရေကြောင်းပညာတက္ကသိုလ်က ယနေ့(ဒီဇင်ဘာလ ၁ ရက်)တွင် အထက်ပါကဲ့သို့ ကြေညာထားခြင်းဖြစ်သည်။

အဆိုပါတက္ကသိုလ်ရှိ မြန်မာစာ၊ အင်ဂျင်နီယာသင်္ချာ၊ ကွန်ပျူတာနှင့် သိပ္ပံတို့တွင် နည်းပြ/သရုပ်ပြ နေရာများ ခန့်အပ်သွားမည်ဖြစ်ပြီး သက်ဆိုင်ရာမဟာဘွဲ့တက်ရောက်ရန် အရည်အချင်းပြည့်မီသူဖြစ်ရမည်ဖြစ်ကြောင်း ထုတ်ပြန်ထားသည်။

အလားတူ စာကြည်တိုက်ဌာနအတွက် စာကြည့်တိုက် လက်ထောက်-၂ နေရာများ ခန့်အပ်သွားမည်ဖြစ်ပြီး စာကြည့်တိုက် နှင့် သုတပညာဘွဲ့ရရှိသူ သို့မဟုတ် ဘွဲ့တစ်ခုခုရရှိ၍ စာကြည့်တိုက်ဒီပလိုမာရရှိသူဖြစ်ရမည်ဖြစ်ကြောင်း သိရသည်။

လျှောက်လွှာပုံစံအား မြန်မာနိုင်ငံရေကြောင်းပညာတက္ကသိုလ်၏ Website ဖြစ်သည့် www. mmu.edu.mm တွင် ရယူနိုင်ကြောင်း သိရသည်။

အဆိုပါလျှောက်လွှာများကို ရန်ကုန်တိုင်း၊ သန်လျင်မြို့၊ မြန်မာနိုင်ငံရေကြောင်းပညာတက္ကသိုလ်၊ ပါမောက္ခချုပ်ထံသို့ လာမည့် (ဒီဇင်ဘာလ ၁၅ ရက်) နောက်ဆုံးထား၍ လျှောက်ထားရမည်ဖြစ်ကြောင်း သိရသည်။

စာမေးပွဲရေးဖြေ ဖြေဆိုခွင့်ရရှိသူစာရင်းများကို ဒီဇင်ဘာလ ၁၉ ရက်တွင် ကြေညာသွားမည်ဖြစ်ပြီး အင်္ဂလိပ်စာ နှင့် အထွေထွေဗဟုသုတဘာသာရပ်များကို ဒီဇင်ဘာလ ၂၂ ရက်တွင် ဖြေဆိုရမည်ဖြစ်ကြောင်း သိရသည်။

အဆိုပါစာမေးပွဲဖြေဆိုခွင့်ကတ်ပြားများကို ဒီဇင်ဘာ ၂၀ရက်‌၌ ဝန်ထမ်းရေးရာဌာနသို့ ရုံးချိန်အတွင်း လာရောက်ထုတ်ယူရမည်ဖြစ်ကြောင်း သိရသည်။