NSS - နိုဝင်ဘာ ၃၀

အာရှဖလား (AFC Cup)အုပ်စုပွဲစဉ်တွင် ဩစတြေးလျ ကလပ် မာကာသာ FC အသင်းအား ရှမ်းယူနိုက်တက်အသင်းမှ ၄ဂိုး-ဂိုးမရှိရလဒ်ဖြင့် ရှုံးနိမ့်ခဲ့သည်။

ရှမ်းယူနိုက်တက်အသင်းနှင့် မာကာသာ FC အသင်းတို့သည့် ယနေ့(နိုဝင်ဘာလ ၃၀ ရက်) မွန်းလွဲ ၂နာရီခွဲက ထိုင်းနိုင်ငံရှိ BG PATHUM Stadium တွင် ယှဉ်ပြိုင်ကစားခဲ့ကြသည်။

ရှမ်းယူနိုက်တက်အသင်းတွင် ဂိုး-ကျော်ဇင်ဖြိုး၊ ဇွဲထက်မင်း၊ ဇွဲခန့်မင်း၊ ရဲမင်းသူ၊ ထက်သီဟဇော်၊ ဇင်ဖြိုးအောင်၊ MARK၊ နန္ဒကျော်၊ ထက်ဖြိုးဝေ၊ ရဲရင့်အောင် နှင့် MOTO တို့ပွဲထွက်ပါဝင်ကြပြီး ပြိုင်ဘက် မာကာသာ FC အသင်းကို (4-4-2)ပုံစံဖြင့် ယှဉ်ပြိုင်ခဲ့ခြင်း ဖြစ်သည်။

ရှမ်းယူနိုက်တက်အသင်းသည် အဓိကစားသမားများ ပါဝင်လာခဲ့သော်လည်း ပွဲကစားချိန် ၄၆ မိနစ်မှစတင်ကာ ပြိုင်ဘက် မာကာသာ FC အသင်းအား အဖွင့်ဂိုးစတင်ခွင့်ပြုပေးခဲ့ရပြီး ပွဲပြီးဆုံးချိန်၌ ၄ဂိုး-ဂိုးမရှိဆိုသောရလဒ်ဖြင့် ရှုံးနိမ့်ခဲ့ခြင်းဖြစ်သည်။

ရှမ်းယူနိုက်တက်အသင်းသည် AFC Cup အုပ်စု F ၌ ၅ ပွဲကစားထားပြီး ၄ ပွဲရှုံးနိမ့်ကာ တစ်ပွဲသရေဖြင့် ရမှတ် တစ်မှတ်ရရှိပြီး ပြိုင်ပွဲမှထွက်ခွါဖွယ်ရှိနေသည်။