ဂျန်ဇက် (NSS) - နိုဝင်ဘာ ၂၈ 

အစ္စရေး နဲ့ ဟားမက်စ်လက်နက်ကိုင်အဖွဲ့တို့ဟာ ၄ ရက်ကြာ အပစ်ခတ်ရပ်စဲရေး သဘောတူညီမှုနောက်ဆုံးရက်ဖြစ်တဲ့ နိုဝင်ဘာ ၂၇ ရက်မှာ ဖမ်းဆီးထားသူများကို ပြန်လွှတ်ပေးခဲ့ကြောင်း သိရပါတယ်။ 

ဟားမက်စ်လက်နက်ကိုင်အဖွဲ့ဟာ အောက်တိုဘာ ၇ ရက်နေ့က အစ္စရေးနိုင်ငံကို တိုက်ခိုက်ပြီး ဖမ်းဆီးထားတဲ့သူ တွေထဲကနေ လူပေါင်း ၁၁ ဦးကို ပြန်လွှတ်ပေးခဲ့ကြောင်းသိရပါတယ်။ အစ္စရေးကလည်း ပါလက်စတိုင်း အကျဉ်းသား ၃၃ ဦးကို ပြန်လွှတ်ပေးခဲ့ကြောင်း သိရပါတယ်။

ဟားမက်စ်အဖွဲ့က ပြန်လွှတ်ပေးခဲ့သူတွေထဲမှာ အစ္စရေး-ပြင်သစ်နိုင်ငံသား ခံယူထားသူ ၃ ဦး၊ ဂျာမနီ-အစ္စရေး နိုင်ငံသားအဖြစ် ခံယူထားသူ ၂ ဦး၊ အာဂျင်တီးနား နဲ့ အစ္စရေးနိုင်ငံသားအဖြစ် ခံယူထားသူ ၅ ဦးတို့ ပါဝင်ခဲ့ကြောင်း သိရပါတယ်။ ဒါ့အပြင် အစ္စရေး နဲ့ ဟားမက်စ်လက်နက်ကိုင်အဖွဲ့ကြား အပစ်ခတ်ရပ်စဲရေး သဘာတူညီမှုအတွင်း အစ္စရေးနဲ့ ပါလက်စတိုင်းအကျဉ်းသားများအပြင် သီးခြားသဘောတူညီမှုများအရ နိုင်ငံခြားသားများလည်း ပါဝင် ခဲ့ကြောင်း သိရပါတယ်။ 

အစ္စရေးနဲ့ ဟားမက်စ်လက်နက်ကိုင်အဖွဲ့ကြား ယာယီအပစ်ခတ်ရပ်စဲထားချိန်အတွင်း အမျိုးသမီးများနဲ့ ကလေး ငယ်များကို အဓိကထားပြန်လွှတ်ပေးခဲ့ကြောင်း သိရပါတယ်။ 

အစ္စရေး နဲ့ ဟားမက်စ်လက်နက်ကိုင်အဖွဲ့ကြား ၄ ရက်ကြာ အပစ်ခတ်ရပ်စဲထားချိန်အတွင်း အစ္စရေးဘက်က ပါလက်စတိုင်းအကျဉ်းသား အနည်းဆုံး ၁၅ဝ ဦးနဲ့ ဟားမက်စ်ဘက်က ဖမ်းဆီးထားတဲ့ ဓါးစာခံ အနည်းဆုံး ၅ဝ ဦး ပြန်လွှတ်ပေးခဲ့ရကြောင်း သိရပါတယ်။

ကာတာ၊ အီဂျစ် နဲ့ အမေရိကန်နိုင်ငံတို့ဟာ ဟားမက်စ် နဲ့ အစ္စရေးနိုင်ငံကြား ယာယီအပစ်ခတ်ရပ်စဲရေးရှိစေဖို့ ကြားဝင်ဆောင်ရွက်ခဲ့ပြီး ၄ ရက်ကြာ အပစ်ခတ်ရပ်စဲရေးရယူနိုင်ခဲ့ရာ လက်ရှိအချိန်မှာလည်း ထပ်မံသက်တမ်းတိုးဖို့ သဘာတူညီထားကြောင်း သိရပါတယ်။