ရောင်နီ (NSS) - နိုဝင်ဘာ ၂၅

         Instagram နဲ့ TikTok ကြယ်ပွင့်၊ မော်ဒယ် နဲ့ သရုပ်ဆောင် Paris Hilton နဲ့ သူမရဲ့ခင်ပွန်းတို့ဟာ အငှားကိုယ်ဝန်ဆောင်ခြင်းနည်းနဲ့ ရင်သွေးတစ်ဦး မွေးဖွားခဲ့ပြီဖြစ်တယ်လို့ သိရပါတယ်။

ဒီသတင်းကို ခင်ပွန်းဖြစ်သူ ကာတာရီအန်က အင်စတာဂရမ်အကောင့်မှာ ကလေးဗီဒီယိုနဲ့ တင်ခဲ့တာဖြစ်ပြီး ဟီလ်တန်က အဲဒီဗီဒီယိုကို ပြန် share ခဲ့တာပါ။ ဟီလ်တန်ဟာ ၂၀၂၁ ခုနှစ်၊ နိုဝင်ဘာလက စီးပွား ရေးသမား ကာတာဟီလ်တန်နဲ့ ခမ်းခမ်းနားနား လက်ထပ်ထိမ်းမြားခဲ့တာဖြစ်ပြီး ပြီးခဲ့တဲ့ ဇန်နဝါရီလကမှ သားဦး ရင်သွေးမွေးဖွားခဲ့တာပါ။ ဟီလ်တန်ဟာ ဒီရင်သွေးတွေကို အငှားကိုယ်ဝန်ဆောင်ကာ မွေးဖွားခဲ့တာဖြစ်ပါတယ်။

        ဒီအကြောင်းနဲ့ ပတ်သက်ပြီး ဟီလ်တန်က "ကျွန်မ single တုန်းက အမျိုးသမီးတစ်ယောက် မီးဖွားနေတာကို မြင်တွေ့ခဲ့ဖူးတယ်၊ အဲဒါက ကျွန်မကို စိတ်ဒဏ်ရာရစေခဲ့တယ်၊ ကလေးမွေးဖို့ အရမ်းကြောက်ခဲ့တယ်၊ ကလေးမွေးဖွားခြင်းနဲ့ သေဆုံးခြင်းဆိုတာ ကမ္ဘာပေါ်က အရာအားလုံးထက် ပိုကြောက်စရာကောင်းတဲ့ အရာနှစ်ခုပါပဲ" လို့ ပြောကြားခဲ့ပါတယ်။