ဂျန်ဇက် (NSS) - နိုဝင်ဘာ ၂၁ 

ကမ္ဘာ့ရေပိုင်နက်အတွင်း ကင်းလှည့်နေတဲ့ ဗြိတိန်တော်ဝင်ရေတပ်ရဲ့ရေငုပ်သင်္ဘာတစ်စီးဟာ မတော်တဆ အက်ဆီးဒန့်ဖြစ်ပွားခဲ့ပေမယ့် ရေငုပ်သင်္ဘာပေါ်မှာလိုက်ပါလာတဲ့ သင်္ဘောသား  ၁၄ဝ ကျော် အသက်ဘေးက လွတ်မြောက်ခဲ့ကြောင်း ဗြိတိန်စစ်ဘက်က သတင်းထုတ်ပြန်ထားပါတယ်။

အဆိုပါရေငုပ်သင်္ဘောဟာ Vanguard ဟာ ရေငုပ်ရာမှာ အတိမ်အနက် တိုင်းတာမှုချို့ယွင်းချက်ကြောင့် မတော်တဆ အက်ဆီးဒန့်ဖြစ်ပွားခဲ့တာမျိုးဖြစ်ကြောင်း သိရပါတယ်။ ဗြိတိန်ရေငုပ်သင်္ဘောဟာ အတ္တလန္တတိတ် သမုဒ္ဒရာအတွင်း ဖြန့်ကြတ်ချထားချိန်မှာ ရေငုပ်ခဲ့ရာ အက်ဆီးဒန့်ဖြစ်ပွားခဲ့ခြင်းဖြစ်ကြောင်း သိရပါတယ်။

အဆိုပါရေငုပ်သင်္ဘောဟာ Trident 2 အမည်ရှိ ဒုံးကျည်နှစ်စီး တင်ဆေင်ထားပြီး ဗြိတိန်တော်ဝင်ရေတပ်မှာ နှစ်ပေါင်း ၃ဝ ကျော်ကြာ တာဝန်ထမ်းဆောင်နေတဲ့ ရေငုပ်သင်္ဘောဖြစ်ကြောင်း သိရပါတယ်။ ဗြိတိန်ရေတပ် တပ်ဖွဲ့ ရဲ့ရေငုပ်သင်္ဘောတစ်စီးဖြစ်တဲ့ တိုင်တန်အမည်ရှိ ရေငုပ်သင်္ဘောတစ်စီးဟာလည်း ပြီးခဲ့တဲ့ဇွန်လတုန်းက အလားတူ အဖြစ်အပျက်မျိုးဖြစ်ခဲ့ဖူးကြောင်း သိရပါတယ်။

ဗြိတိန်အခြေစိုက်သည်ဆန်းသတင်းစာက "ရေငုပ်သင်္ဘောဟာ ရေအောက်အနက်ပိုင်းမှာ ချို့ယွင်းချက်တွေ ဖြစ်လာခဲ့ပြီးနောက် ထိန်းချုပ်လို့မရတဲ့အခြေအနေမျိုး ရှိခဲ့တယ်။ ရေငုပ်သင်္ဘောနဲ့ပတ်သက်ပြီး စက်ပိုင်းဆိုင်ရာ အမှားအယွင်းတွေ ရှိခဲ့တယ်" လို့ပြောပါတယ်။ ဗြိတိန်စစ်ဘက်က အဲဒီရေငုပ်သင်္ဘောဟာ အများဆုံးရေအောက် အနက် မီတာ ၅ဝဝ အထိ ငုပ်နိုင်တဲ့ရေငုပ်သင်္ဘောဖြစ်ပေမယ့် Vanguard ရေငုပ်သင်္ဘေဟာ ရေအောက်အနက် ဘယ်လောက်အထိ ငုပ်ခဲ့သလဲဆိုတာကို အတိအကျမသိခဲ့ပုံ ရှိနေကြောင်း ဆိုပါတယ်။

ဗြိတိန်ရေတပ်မှာ  Vanguard အမျိုးအစား ရေငုပ်သင်္ဘောလေးစင်းရှိနေပြီး အဲဒီလေးစင်းထဲမှာ နှစ်စင်းက လုပ်ငန်းတွေ လုပ်ဆောင်ခြင်းမရှိတော့ဘဲ တစ်စီးက ပြန်လည်ကောင်းမွန်ဖို့ပြုပြင်ထားကာ တစ်စီးဟာ ပင်လယ်ပြင်မှာ အလုပ်တွေ လုပ်နေဆဲဖြစ်ကြောင်း သိရပါတယ်။