Pika (NSS) - နိုဝင်ဘာ ၇ 

နိုဝင်ဘာလ(၆)ရက် ညက စပါးအသင်းနှင့် အကြိတ်အနယ်ယှဉ်ပြိုင်ကစားခဲ့ရသော ပရီးမီးယားလိဂ်ပွဲစဉ်တွင် ချဲလ်ဆီးအသင်းမှာ ပိုကောင်းသောအသင်းတစ်သင်းဖြစ်ခဲ့ကြောင်း ချဲလ်ဆီးနည်းပြပိုချက်တီနိုက ထုတ်ဖော်ပြောခဲ့ သည်၊၊

ထို့အပြင် စပါးအသင်းကို(၄)ဂိုး-(၁)ဂိုးဖြင့် အနိုင်ရရှိခဲ့ခြင်းမှာ ချဲလ်ဆီးအသင်းကစားသမားများအတွက် ထိုက်တန် သော အနိုင်ရရှိမှုတစ်ခုဖြစ်ကြောင်း ပိုချက်တီနိုက ထပ်မံပြောခဲ့သည်။ အဆိုပါပွဲစဉ်တွင် စပါးအသင်းတောင်ပံ ကစားသမား Dejan Kulusevski က ပွဲချိန် (၆)မိနစ်တွင် အသင်းအတွက် အဖွင့်ဂိုးသွင်းယူပေးနိုင်ခဲ့ခြင်းဖြစ် သည်။

သို့သော်လည်း စပါးအသင်းကွင်းလယ်ကစားသမား ကိုးလ်ပယ်လ်မာက ပွဲချိန်(၃၅)မိနစ်တွင် ပင်နယ်တီဂို  ကန်သွင်းနိုင်ခဲ့ပြီး တိုက်စစ်မှူးနီကိုလက်စ်ဂျက်ဆင်က ပွဲချိန်(၇၅)မိနစ်၊ (၉၄)မိနစ် နှင့် (၉၇)မိနစ်တို့တွင် ဂိုးများ သွင်းယူကာ ဟက်ထရစ်ရယူနိုင်ခဲ့ပြီးနောက် (၄)ဂိုး-(၁)ဂိုးဖြင့် အနိုင်ရရှိခဲ့ခြင်းဖြစ်သည်။

ပိုချက်တီနိုက "ကျွန်တော်တို့ နိုင်ပွဲရရှိဖို့ ထိုက်တန်တယ်လို့ထင်ပါတယ်။ စပါးအသင်းကစားသမားတွေ အမှားတွေ အများကြီးလုပ်အောင်လို့ ကျွန်တော်တို့ ဖိအားပေးကစားနိုင်ခဲ့ပါတယ်။ စပါးအသင်းဟာ ပထမဆုံး(၁၅)မိနစ်မှာ အကောင်းဆုံးခြေစွမ်းပြကစားနိုင်ခဲ့ပေမယ့်လည်း နောက်ပိုင်းမှာ ကျွန်တော်တို့ကပဲ ဦးဆောင်ကစားနိုင်ခဲ့တယ်လို့ ထင်ပါတယ်။ ဒီပွဲမှာ ကျွန်တော်တို့အကောင်းဆုံးခြေစွမ်းပြကစားနိုင်ခဲ့ပါတယ်။ ဒီကစားပွဲက တရားမျှတတယ်လို့ ကျွန်တော်ထင်ပါတယ်။ ဒီစွမ်းဆောင်ရည်က ကျွန်တော်တို့အကောင်းဆုံးကစားနိုင်ခဲ့တယ်ဆိုတာကို ပြသနေတာ ဖြစ်ပြီး ကျွန်တော့်မှာ နောက်ထပ်ပြောစရာမရှိတော့ပါဘူး" ဟု ပြောခဲ့သည်။