စော (NSS) - နိုဝင်ဘာ ၆

ပညာရေးဝန်ကြီးဌာန နှင့် သိပ္ပံနှင့်ဝန်ကြီးဌာနတို့မှ  ပထမနှစ် နေ့သင်တန်း ဝင်ခွင့်ရသူများစာရင်းကို မနက်ဖြန် နိုဝင်ဘာ (၇)ရက်တွင် ကြေညာပေးသွားမည်ဖြစ်ကြောင်း သိရသည်။

(၂ဝ၂၃-၂၂၄) ပညာသင်နှစ်၏ ပထမနှစ် နေ့သင်တန်းဝင်ခွင့်ရစာရင်းများကို မနက်ဖြန် (နိုဝင်ဘာ ၇ ရက်) မှ စတင်၍ သက်ဆိုင်ရာ တက္ကသိုလ်နှင့် ဒီဂရိကောလိပ်အသီးသီးတွင် ကြေညာထားမည်ဖြစ်ကြောင်း သိရသည်။

အဆိုပါနေ့သင်တန်းဝင်ခွင့်ရစာရင်းများကို ပညာရေးဝန်ကြီးဌာန၏ website www.moe.gov.com နှင့် အဆင့်မြင့်ပညာဦးစီးဌာန၏ website www.dhe.gov.com တို့တွင်လည်း ကြေညာပေးထားမည်ဖြစ်ကြောင်း သိရသည်။ 

ထို့ပြင် အစိုးရနည်းပညာကောလိပ်၏ သင်တန်းဝင်ခွင့်ရစာရင်းများကိုလည်း သိပ္ပံနှင့် နည်းပညာဝန်ကြီးဌာန website www.most.gov.com , နည်းပညာ၊ သက်မွေးပညာနှင့် လေ့ကျင့်ရေးဦးစီးဌာန၏ www.dtvet.edu.mm , www.dtvet.gov.mm နှင့် အဆင့်မြင့်သိပ္ပံနှင့်နည်းပညာဦးစီးဌာန၏ www.dast.edu.mm , www.dast.gov.mm တို့တွင် ကြေညာထားမည်ဖြစ်ကြောင်း သိရသည်။

နေ့သင်တန်းများကို လာမည့် (နိုဝင်ဘာ ၂၃ ရက်) တွင် စတင်ဖွင့်လှစ်မည်ဖြစ်ပြီး ကျောင်းအပ်လက်ခံခြင်းကို နိုဝင်ဘာ (၁၆)ရက်မှစ၍ ပိတ်ရက်မရှိ လက်ခံဆောင်ရွက်သွားမည်ဖြစ်ကြောင်း သိရသည်။